luns, 3 xuñ 2024
O alcalde, acompañado pola concelleira de Educación, Olga Alonso, visitaron hoxe o laboratorio do Colexio Alborada para coñecer o proxecto desenvolvido polos os alumnos para o aproveitamento das augas pluviais que discorren polas rúas en pendente da cidade para xerar enerxía, así como para o seu almacenamento e posterior uso na rega urbana. Despois de recibir as explicacións dos estudantes, o rexedor saudou aos 300 escolares do centro.
luns, 3 xuñ 2024
Abel Caballero entregou este luns aos alumnos de sexto de primaria e cuarto da ESO dos colexios Igrexa Candeán e María Inmaculada, Carmelitas, os galardóns do I premio “ Medrar dignamente”, organizados pola Fundación Salma para o coidado da Saúde Mental en Galicia. O alcalde apuntou a transcendencia da iniciativa desenvolvida pola organización sen ánimo de lucro que está dirixida aos estudantes dos colexios e institutos de Galicia para concienciar e divulgar a importancia do coidado da saúde mental, á vez que os felicitou polo premio que deixa patente a sensibilidade da mocidade.
luns, 3 xuñ 2024
O Concello vai mellorar todos os espazos culturais municipais da cidade cun Plan Estratéxico. “Trátase de poñer as bibliotecas e museos no centro da mellora da cidade, e facer tantas obras que signifique a mellora da súa utilización”, segundo avanzou este luns o alcalde.
luns, 3 xuñ 2024
Abel Caballero abordou hoxe coa presidenta e a vicepresidenta da Asociación Empresarias Galicia, Susana Pérez Iglesias e Teresa Martínez, o programa de actividades que as emprendedoras desenvolverán este ano en Vigo, entre as que destaca a oitava edición do "Congreso Empresarial Acción e Implicación", programado para o 22 de outubro, e no que colabora o Concello. As directivas incidiron no peso das asociadas da área de Vigo, xa que o 80 por cento das 163 compoñentes da organización desenvolven os seus proxectos nesta zona do sur de Galicia.
venres, 31 mai 2024
“Apoiamos a economía e as empresas. Veremos que máis cousas facemos, como as facemos, como continuamos, e en que sectores Zona Franca seguirá traballando nesta liña de apoio”. É a mensaxe que dirixiu este venres o presidente do Consorcio, Abel Caballero, aos emprendedores que participaron na segunda edición de “Vía Téxtil” .
venres, 31 mai 2024
Abel Caballero puxo en valor hoxe, ante as persoas asociadas de Agarimo que participaron nunha nova singradura didáctica pola ría de Vigo a bordo da embarcación "Nautilus", integrada non programa municipal de avellentamento activo "Vigo, cidade amiga dos maiores", a información e os coñecementos adquiridos a través das explicacións dos expertos e da visión do fondo mariño captada por un dron e proxectada nunha pantalla. As persoas interesadas en participar poden chamar ao servizo de información telefónica municipal 010. Neste programa participarán 2.600 persoas maiores de Vigo.
venres, 31 mai 2024
A Xunta de Goberno do Concello de Vigo aprobou este venres a adxudicación do servizo da xestión das escolas infantís municipais de Tomás Alonso e de Bouzas ata o ano 2027 por un importe de 2.102.607 euros.
venres, 31 mai 2024
O goberno municipal aprobou hoxe as bases reguladoras e a convocatoria específica de subvencións a entidades deportivas de Vigo para promocionar o deporte feminino na temporada de 2023-2024, cun importe de 45.000 euros.
xoves, 30 mai 2024
O alcalde e o embaixador de Omán en España, Omar Al-Kathiri, mantiveron una xuntanza na Alcaldía. O rexedor achegoulle unha parte da historia de Vigo, con aspectos relevantes como a evolución do Casco Vello, a Panificadora e as Illas Cíes. Ambos os mandatarios mantiveron unha xuntanza cordial na que abordaron temas de interese social e económico tanto para Omán como para a sociedade viguesa, explorando a posibilidade de poder seguir colaborando mutuamente para dar resposta aos retos e desafíos do futuro.
xoves, 30 mai 2024
Abel Caballero anunciou este xoves que a Xunta de Goberno aprobará mañá o expediente para contratar da pavimentación da Avenida de Citroën. A renovación do firme comprenderá desde o cruzamento con Camposancos e Florida ata a ligazón coa Avenida de Portanet no cruzamento coa rúa Val Miñor.
