O alcalde, acompañado pola concelleira de Educación, clausurou este venres o Campus Travesas 1, e o X Campus Multideporte “Aprende a xogar” de Coruxo. Abel Caballero compartiu cos participantes e cos monitores una das actividades lúdicas organizadas para que os máis pequenos gocen dos campamentos de verán municipais.
O programa cultural e musical “Curiosidades Solita” arrincará o vindeiro venres 5 de xullo en Villa Solita, Alcabre, segundo anunciou este venres o alcalde ao debullar os oito concertos programados ata o 23 de agosto a partir das nove da noite.
O alcalde asinou hoxe o decreto que nomea a Ana María Mejías como quinta tenente de Alcaldía e fixa o reaxuste das competencias dos membros do goberno municipal de Vigo. Esta decisión responde ás novas responsabilidades asumidas como parlamentarios galegos polos edís Elena Espinosa e Carlos López Font.
O alcalde asistiu este xoves ao desenvolvemento da xornada lúdica organizada en Samil polo Concello para as persoas usuarias do Servizo Municipal de Axuda a Domicilio. Destacou que a atención alcanza a máis de 1.300 persoas ao ano, das que o 80 por cento son mulleres.
Pasado e memoria conxúganse nas máis de 20 obras que a artista Laía Argüelles Folch expón no Museo de Arte Contemporánea de Vigo ata o próximo 20 de novembro, e que o alcalde anima a “vivila” e a “meterse” nela pola súa capacidade de “facer vivo” o pretérito no presente.
O alcalde reuniuse co presidente de ADIF, Ángel Contreras, para seguir avanzando na liña de alta velocidade Vigo-Ourense por Cerdedo, que finalizou o estudo hidroxeolóxico co estudo complementario solicitado pola Confederación Hidrográfica Miño-Sil. “Agora o Ministerio de Transportes está na tramitación do estudo informativo adaptado ao hidroxeolóxico”, explicou Abel Caballero amosando a súa satisfacción.
O alcalde anunciou este martes o cambio de contexto e a apertura dunha nova etapa nas relacións coa Xunta: “unha boa senda e unha boa travesía para chegar a acordos”. Abel Caballero e o Alfonso Rueda acordaron unha extensa listaxe de proxectos para Vigo, así como encontros anuais para examinar o avance de todas as iniciativas. “A reunión foi francamente ben na forma e no fondo”.
O rexedor visitou este venres xunto á tenente de alcalde, Carmela Silva, e á concelleira de Política Social, Yolanda Aguiar, a intervención artística "Sentada na Rúa". A acción, organizada polo Concello e APAMP, dentro da programación do Festival de Arquitectura TAC!, amosa as máis de setenta cadeiras que contan as súas propias historias, realizadas por 30 centros, entidades e colectivos da cidade e doutras zonas de Galicia. Como indicou Caballero na súa intervención, "reconquistar o espazo para as persoas con discapacidade".
O Concello iluminará de verde as fontes de Aragón hoxe venres, 21 de xuño, para celebrar o Día Mundial contra a Esclerose Lateral Amiotrófica, unha data impulsada por asociacións de pacientes de todo o mundo para concienciar sobre a enfermidade e esixir máis investigación, un piar para conseguir aumentar a esperanza de vida dos pacientes con ELA. O domingo, 23 de xuño, as fontes de Aragón tínguense de morado para conmemorar o Día Mundial da Síndrome de Dravet, unha encefalopatía epiléptica de orixe xenética enmarcada na familia patolóxica das canalopatías, xa que aproximadamente o 80% dos pacientes afectados presenta unha mutación no xen SCN1A.
O alcalde deu conta este venres do programa “Marco Inclusivo”, que inclúe laboratorio de arquitectura, talleres de verán e visitas e obradoiros ao redor das exposicións temporais.