A rúa Doutor Cadaval contará cun novo pavimento en substitución do actual de pedra
A Xunta de Goberno do Concello aprobou hoxe as obras de humanización da rúa Doutor Cadaval. A vía pasará a contar cun firme novo de rodadura pulida en substitución do actual de pedra. Tamén aprobáronse 12.000 euros para eventos culturais.
O alcalde avanzou este luns o acordo da Xunta Local de Goberno para renovar o firme de rúa Doutor Cadaval. “Trátase dunha rúa empedrada, deteriorada pola mala calidade da acción e imos renovar todo o pavimento”, recalcou.
Abel Caballero explicou que o Concello vai continuar co modelo de humanización aplicado nas rúas Marqués de Valladares, García Olloqui ou Praza Compostela, instalando un firme de rodadura puída. “Seguimos humanizando e facendo cidade de Vigo”, incidiu.
Axudas a eventos culturais
A Xunta de Goberno tamén aprobou unha subvención de 7.000 euros para o festival de creación musical contemporánea Vertixe Sonora 2024 e 5.000 euros para o Festival Kerouac.