O Concello anima a participar no programa de actos do "Día Internacional da Eliminación da Violencia Contra a muller"
O alcalde afirmou este xoves que o novo programa de actos organizado para conmemorar o 25 de novembro consolida a vocación de Vigo por ser referente e pioneiro na loita contra as violencias machistas.
Abel Caballero e as concelleiras Carmela Silva e Ana Laura Iglesias, presentaron este xoves, coas integrantes do Consello Municipal da Muller de Vigo, Charo Otero, Luz Iglesias, Ángeles Arias e Elena Rodríguez, o programa coas 15 actividades organizadas, desde o martes 5 de novembro ao martes 3 de decembro, para conmemorar o 25N: “Día Internacional da eliminación das violencias contra a muller”.
“Seguir alzando a voz desde Vigo contra as violencias machistas” é o compromiso revalidado hoxe polo alcalde ao lembrar que o Concello mantén unha “mobilización permanente, durante os 365 días do ano” en denuncia da violencia contra as mulleres.
Caballero destacou o acto “Enlaza Vigo”, programado para o día 25 de novembro, pola transcendencia da mobilización dos mozos en contra da violencia que padecen as mulleres por ser muller.
A primeira tenente de alcalde, Carmela Silva, lembrou que a loita contra as violencias “é unha gran prioridade para o Concello”. Tras recoñecer o “traballo extraordinario” do Consello Municipal da Muller por ofrecer un programa que ten en conta a todo o movemento feminista, a edil puxo en valor a sucesión de actos que terán lugar ao longo de todo o mes de novembro para “concienciar, reivindicar, denunciar e poñer en pé a toda a sociedade” sobre o problema da violencia contra as mulleres. “Vigo tómao moi en serio”, argumentou.
A portavoz do Consello municipal, Elena Rodríguez, animou a participar nas distintas actividades dun programa “no que non falta de nada”.
Programa
- Martes, 5 de novembro
Proxección do filme: “As Neves” (2024) de Sonia Méndez. Coloquio posterior coa directora
Lugar: Galería do MARCO. Rúa do Príncipe, 54
Entrada libre ata completar a capacidade do local
Hora 17.00
- Mércores, 6 de novembro
Conferencia “A violencia contra a muller no deporte” pola conta de Águeda Gómez (Uvigo)
19:00 h
Lugar: Casa Galega de Cultura. Praza da Princesa, 2
Entrada libre ata completar a capacidade do local
- Xoves, 7 de novembro
Mesa redonda “O senfogarismo femenino"” pola conta de Eva Aguayo (USC)
19:00 h
Lugar: Casa Galega de Cultura. Praza da Princesa, 2
Entrada libre ata completar a capacidade do local
- Martes, 12 de novembro
Proxección do filme: “Mientras duermes” (2011) de Jaume Balagueró
19:00 h
Lugar: Galería do MARCO. Rúa do Príncipe, 54
Entrada libre ata completar a capacidade do local
- Mércores, 13 de novembro
Proxección do filme documental “ Patriarcado, el organismo nocivo” (2022) de Teresa Soler e Albert Sanfeliu. Coloquio posterior. Coa colaboración da Subdelegación do Goberno
20:00 h
Lugar: Auditorio Municipal. Praza do Rei,1
Entrada libre ata completar a capacidade do local
- Xoves, 14 de novembro
Peza teatral contra a violencia machista “Golpes”. Dirección: Xosé Leis. Intérprete: Estíbaliz Veiga. Compañía aAntena
20:00 h
Lugar: Auditorio Municipal. Praza do Rei,1
Entrada libre ata completar a capacidade do local
- Venres, 15 de novembro
Concerto a cargo de GUADI GALEGO
21:00 h
Lugar: Teatro Salesianos. Rúa Venezuela, 3
Entrada libre ata completar a capacidade do local
- Luns, 18 de novembro
Exposición contra a violencia de xénero #AMIGODÁTECONTA
Coa colaboración da Delegación do Goberno en Galicia
Lugar: Praza do Rei
- Mércores, 20 de novembro
Presentación libro do libro “Os anos tranquilos” (Xerais, 2024) pola conta da autora Llerena Perozo Porteiro
19:00 h
Lugar: Centro de Documentación e Recursos Feministas
Biblioteca Pública de Vigo “Juan Compañel”. Rúa Joaquín Yáñez 6-2.º andar
- Xoves, 21 de novembro
Actuacións musicais a cargo de: SILA LUA e CATUXA SALOM
19:00 h
Lugar: Auditorio Municipal. Praza do Rei,1
Entrada libre ata completar a capacidade do local
- Venres, 22 de novembro
Espectáculo: “Feminíssimas”. VigoCultura
Dirección: Xavier Castiñeira. Elenco: Stephy Llaryora, Noelia Blanco e Ana San Fernando.
Compañía De Ste Xeito Producións
20:00 h
Auditorio Municipal. Praza do Rei, 1
Prezo 5 €. Venda anticipada de entradas
- Luns, 25 de novembro
ENLAZAVIGO CONTRA A VIOLENCIA DE XÉNERO
Alumnado de secundaria, bacharelato e ciclos formativos de FP
De 10:30 a 12:30
Lugar: Auditorio Pazo de Congresos Mar de Vigo
Entrada con invitación previa
MANIFESTACIÓN
20:00 h
Convoca Rede de Mulleres contra os Malos Tratos
Cruzamento da Vía Norte con Urzáiz
- Mércores, 27 de novembro
Proxección “Tódalas mulleres que coñezo” de Xiana do Teixeiro
Sesións escolares para alumnado de secundaria, bacharelato e ciclos formativos de FP
De 10:00 a 13:30
Lugar: Auditorio Municipal. Praza do Rei, 1
Entrada con invitación previa
- Xoves, 28 de novembre
Teatro “Cigarreras”
Dirección: Cándido Pazó. Elenco: Tamara Canosa, Susana Dans, Merce Castro, Isabel Naveira, Covadonga Berdiñas, Casilda G. Alfaro e Ledicia Sola.
Compañía Contraproducións
20:00 h
Lugar: Auditorio Municipal. Praza do Rei,1
Entrada libre ata completar a capacidade do local
- Luns 2 e martes 3 de decembro
Xornadas formativas sobre a Abolición da prostitución
De 16:30 a 20:30 h
Xornadas presenciais
Inscrición previa
Lugar: Sala de conferencias do Centro Social Afundación
Rúa Policarpo Sanz, 26