A Corporación Municipal de Vigo gardou este mércores un minuto de silencio en solidariedade coas vítimas da DANA nas comunidades de Valencia e Castela-A Mancha. O alcalde trasladou o apoio ás familias dos falecidos e desaparecidos así como ao conxunto da cidadanía dos territorios afectados.
Abel Caballero comprobou hoxe o avance das obras de remodelación do paseo de Samil, que se executan cunha achega de máis de dous millóns de euros do Goberno de España e que permitirán recuperar superficie de praia. "Estamos a facer unha transformación histórica en Vigo”, afirmou.
O alcalde presentou este mércores, xunto ao concelleiro de Cultura e o director do Marco, os catálogos das exposicións dos artistas Bosco Caride, Alfredo Caín e Laía Argüelles, que permanecen abertas no museo. “Hoxe volvédesvos eternos. Os vosos cadros sairán de aquí pero quedarán no catálogo para sempre”, afirmou Abel Caballero.
O alcalde presentou a última novidade que se incorpora ao circuíto municipal de carreiras populares, o Run Run Vigo, coa presentación do "cambio de denominación e localización da Vigo+11", que pasa a denominarse Milla Vigo+11 e que se disputará este domingo, desde as 10:30 horas, en Navia.