O alcalde saudou este martes a un grupo de maiores, usuarios de diferentes servizos de formación e entretemento da Cruz Vermella, que visitaron as dependencias municipais dentro do programa "Coñece o teu Concello". Caballero explicoulles o funcionamento do Pleno municipal e de varios órganos administrativos atendendo ás súas dúbidas e requirimentos sobre algunhas dinámicas municipais.
O alcalde explicou este martes aos 35 alumnos do Colexio Compañía de María que participan na actividade municipal "A Máquina do Tempo-Reconquista 2024" a importancia de coñecer a historia da Vigo e de forma especial o episodio no que os vigueses recuperaron a urbe da ocupación de Francia. Acompañado polo soldado francés da garda imperial de Napoleón Pierre Delapierre, Abel Caballero animou aos escolares para percorrer os escenarios onde tivo lugar en 1809 o histórico acontecemento. Con esta iniciativa o Concello de Vigo achega este ano a Reconquista a preto de 1200 escolares de 5º e 6ª de Primaria.
Abel Caballero visitou o Hospital Vithas Vigo onde a dirección do centro fixo un simulacro do servizo de “hospital a bordo” que xa dá servizo a unha trintena de embarcacións. Desde Vigo e para todo o mundo, con esta ferramenta as tripulacións dos barcos que faenan en alta mar teñen ao seu alcance un servizo de urxencias xerais e con especialistas médicos, así como consultas programas e mesmo o seguimento de pacientes con hospitalización a bordo. O alcalde louvou a asistencia sanitaria en embarcacións e considerou que se trata “dunha garantía moi importante para as tripulacións en alta mar”, amais de considerar que pode extrapolarse a outros ámbitos e sectores.
Vigo consolidase este ano como a gran cidade co maior número de bandeiras azuis, un total de 12, concedidas pola Asociación de Educación Ambiental e do Consumidor, ADEAC, que se suman ás dos 5 sendeiros azuis aprobados en marzo. Así o destacou este martes o alcalde ao sinalar os areais distinguidos: O Adro, A Punta, Carril, Santa Baia, A Fonte-Tombo do Gato, Argazada, Samil, Fontaíña, Vao, Canido, Fortiñón e Rodas.
O alcalde constatou este luns que o liderado do Concello no pago a provedores tanto en Galicia como no conxunto de España, verificado en febreiro cun prazo de abono das facturas en 6,5 días, evidencia a "situación excepcional das finanzas de Vigo".
Os novos horarios amplían a utilización do ascensor de domingo a xoves desde as 5:30 ás 00:30 horas e os venres, sábado e vésperas de festivo desde as 5:30 ás 02:00 horas.
Abel Caballero trasladou esta mañá a súa valoración respecto a “gran mellora” coa que contará a terminal viguesa, cun investimento de 23,6 millóns. A reforma obriga á “suspensión da actividade” ata finais do mes de maio.
Abel Caballero presentou hoxe, con David Regades, a nova Zona de Innovación 2024 que, do 21 ao 23 de maio, despregará o Consorcio da Zona Franca de Vigo na novena edición de Navalia. O stand está deseñado para facilitar un escaparate privilexiado a 16 emprendedores, onde mostrar as súas propostas e os seus proxectos innovadores aos principais actores do sector, así como para promover a captación para a formación de novos enxeñeiros navais e técnicos. No acto tamén participaron as concelleiras Elena Espinosa e Ana María Mejías, así como os responsables da feira, José García Costas e Javier Arnau, e o presidente territorial da Asociación de Enxeñeiros Navais e Oceánicos de España, Jorge Dhal.
A Xunta de Goberno Local aprobou hoxe as bases e a convocatoria das bolsas de comedor, libros e material escolar para o curso 2024-2025. As axudas ascenden a 1.427.700 euros, segundo explicou este venres o alcalde ao lembrar que a esta cantidade hai que sumar os 600.000 euros que recibe Foanpas.
Abel Caballero explicou este xoves aos estudantes do Colexio Alborada, que participan no programa didáctico "A Máquina do Tempo- Reconquista Vigo 2024", a importancia do fito histórico protagonizado pola cidadanía de Vigo en 1809 ao recuperar a cidade do dominio francés. Profesores e alumnos percorren o Vigo da Reconquista guiados polo soldado francés da garda imperial de Napoleón Pierre Delapierre. Máis de 1.200 escolares de quinto e sexto de primaria participan nunha das 23 visitas programadas polo Concello para dar a coñecer a historia da cidade entre os cativos.