O alcalde participou este luns no acto simbólico de colocación da primeira pedra da obra coa que se recuperará para o uso cidadán o tramo comprendido entre o Camaleón e Punta Samil.
Abel Caballero colocou este venres, cos concelleiros Carmela Silva, Javier Pardo, e co director de operacións do Celta, Carlos Cao, a primeira pedra da "gran" humanización da rúa Val Miñor, na confluencia de Fragoso e a zona da bancada de Tribuna do Estadio Municipal de Balaídos. Avanzou que a obra, cun orzamento de 1.800.000 euros, estará lista o próximo outono.
O parque móbil de Vigo conta cun total de 202.733 vehículos, segundo consta no padrón municipal do imposto, que reflicte un ano máis o aumento de motocicletas e ciclomotores, segundo destacou o alcalde este venres. “Trátase dun sistema de transporte ao que Vigo se adapta especialmente ben e que, efectivamente, continúa o seu ascenso”, afirmou.
O alcalde celebra que a mocidade de Navia vaia dispoñer dun instituto na súa zona de residencia e valora que xa non “hai marcha atrás” na decisión da construción, logo da sinatura do convenio entre o Concello e a Xunta.
O Concello súmase á conmemoración do Día Mundial da Síndrome de Down tinguindo de azul e amarelo as fontes de Aragón este xoves 21 de marzo, coincidindo coa data designada polas Nacións Unidas. Nesta xornada, desde Down España reivindican máis oportunidades de emprego para as persoas con Síndrome de Down.
O Museo de Arte Contemporánea exhibe desde hoxe, ata o 15 de setembro, a obra máis recente do artista de Vigo Bosco Caride, que, segundo afirmou Abel Caballero no acto de presentación, conta cun valor artístico extraordinario que require traballar para “facer que todo Vigo vexa esta grande exposición”. Ante o concelleiro de Cultura, Gorka Gómez, o artista Bosco Caride, o director do MARCO, Miguel Fernández-Cid, e o comisario da mostra, Jaume Vidal, o alcalde recalcou que as obras teñen a singularidade de “atraer e atrapar” ao observador polas sensacións que produce cada cadro.
Consolidar a Semana Santa de Vigo como unha das efemérides importantes da cidade é o obxectivo trazado polo goberno de Abel Caballero ao manter o apoio ás celebracións dos últimos anos. O Concello achega 37.000 euros para as procesións e as celebracións públicas.
O alcalde trasladou hoxe a súa preocupación pola demora xa que, de non realizarse con prontitude a sinatura, provocarase un prexuízo ao Celta e á súa afección.
O Concello sumarase este sábado 23 de marzo á iniciativa medioambiental “A hora do planeta”. Co apagado das luces de cinco edificios e monumentos significativos da cidade, Vigo mostrará “o noso compromiso coa natureza e co clima”, segundo afirmou este mércores Abel Caballero.
O rexedor vigués mantivo esta mañá un encontro con Beatriz Corredor, ex ministra de Vivenda e actualmente presidenta de Redeia. Nesta reunión trataron temas de relevancia para a cidade como a implantación da Moi Alta Tensión, sobre a que o alcalde indicou que "vai sobre o previsto e planificado", engadindo que "nestes intres atópase na fase de tramitación".