xoves, 2 mai 2024
Abel Caballero trasladou hoxe aos estudantes de primeiro de Educación Secundaria do CPR Pai Miguez, Calasancias, a transcendencia da actividade que desenvolve o Concello de Vigo, en múltiples ámbitos, para mellorar a calidade de vida da cidadanía. Tras recibir aos estudantes que participan no programa "Coñece ou teu Concello", na lonxa do consistorio, o alcalde animounos a estudar.
xoves, 2 mai 2024
O rexedor e o coronel Miguel Cortés mantiveron esta mañá un encontro nas dependencias municipais, no que aproveitaron para afondar na labor deste departamento e explorar posibles actividades de traballo dentro da cidade. O subdelegado agasallou a Caballero cun cadro, no que se contempla un mapa de Vigo do ano 1812.
xoves, 2 mai 2024
O Concello colabora na integración dos doce cidadáns de Gaza que se refuxian en Vigo tras fuxir da guerra. Así o explicou o alcalde durante a reunión desenvolvida hoxe cos delegados territoriais en Galicia e en Vigo de ACCEM, Daniel Bóveda, e Ariadna Navarro.
martes, 30 abr 2024
Abel Caballero mantivo unha reunión esta mañá co ministro de Transportes e Mobilidade Sostible, Óscar Puente, na que, segundo explicou “obtivemos o apoio e o visto e prace a todos os proxectos que lle expuxen para Vigo, absolutamente a todos”.
venres, 26 abr 2024
Abel Caballero anunciou hoxe que ata o venres 10 de maio permanecerá aberto o prazo para participar na "IX Adaina polos montes de Vigo", parte do programa “Camiño a Camiño”, que se celebrará o domingo 12 de maio con saída no Parque Forestal de Saians. As inscricións poderán realizarse a través do servizo municipal do 010.
venres, 26 abr 2024
Vigo será o escenario deste destacado evento, no que están confirmados máis de 100 relatores, e no que se espera a participación de máis de 800 asistentes presenciais e 1.000 en formato online. The Way celebrarase o 9 e o 10 de maio e acollerá na súa axenda, entre outras actividades, o Investor´s Day da sétima edición de ViaGalicia.
xoves, 25 abr 2024
O alcalde recibiu hoxe no Concello aos alumnos do CEIP Santa Mariña de Cabral que participan no programa municipal “Visita o teu concello”. Caballero, acompañado pola concelleira de Educación, Olga Alonso, explicou os escolares a importancia da iniciativa que lles permite coñecer as dependencias do Concello onde se adoptan as decisións pensadas para mellorar a vida da cidadanía, así como a trascendencia de ser conscientes da importancia de Vigo, “a mellor cidade do mundo”. Animou aos estudantes aesforzarse nos estudos para participar dentro de catro anos nas becas municipais do programa “Vigo en Inglés”.
xoves, 25 abr 2024
Abel Caballero trasladou este xoves ao alumnado de terceiro e cuarto de Educación Secundaria dos institutos República do Uruguai, A Guía, Álvaro Cunqueiro e Alexandre Bóveda, que participan no primeiro torneo de debate escolar entre distintos centros públicos de Vigo, a importancia de desenvolver as habilidades de argumentación en público e de manter o interese por estar informados e formados. A xornada de apertura do torneo que se celebra no Auditorio Municipal, confrontou a 6 equipos de 4 alumnos cada un, con dobre participación do IES República do Uruguay, e centrouse no tema de se os estados deben controlar a intelixencia artificial. O luns 29 terá lugar a final, tamén no Auditorio Municipal. O alcalde remarcou a iniciativa dos catro institutos organizadores por colocarse á altura da universidade.
xoves, 25 abr 2024
Abel Caballero demandou este xoves a gratuidade da autoestrada AP-9 non só para o traxectos entre Vigo e Pontevedra, se non tamén para os de toda Galicia, tras recordar que a decisión de ampliar a concesión a concesionaria Audasa, que mantén a obrigación do pago de peaxe aos galegos ata o ano 2048, foi acordada no ano 2000 polo goberno do Partido Popular presidido por José María Aznar. “Esta é a gran ocasión ” de reclamar a eliminación do pago da peaxe e, por tanto, de fixar a gratuidade, afirmou o alcalde ante o segundo expediente aberto pola Dirección Xeral de Mercado Interior e Industria da Comisión Europea pola ampliación, sen concurso público, da concesión por outros 25 anos.
xoves, 25 abr 2024
O alcalde reivindica a importancia da liña de alta velocidade entre Vigo e Porto e pide “manter o pactado entre Portugal e España” para darlle prioridade a súa construción e que estea en funcionamento a partir do 2030.
