O alcalde agradece a cooperación voluntaria aos dez policías locais que axudarán á veciñanza de Paiporta
O alcalde e a concelleira de Seguridade saudaron aos dez efectivos da Policía Local de Vigo que se desprezan a Paiporta para axudar ás persoas afectadas pola DINA xa que os efectivos de seguridade da localidade levantina quedaron moi afectados. Caballero agradeceulles que cooperen voluntariamente nunha causa "tan importante e xusta".
Abel Caballero explicou que o dispositivo de Vigo, formado por un inspector e nove axentes, permanecerá en Paiporta ata o vindeiro martes 26 de novembro. Os efectivos acudirán á localidade valenciana nun furgón e nun vehículo da Policía Local, e contarán coa dotación de medios técnicos individuais e de dotación colectiva.
O alcalde afirmou que o traballo dos policías locais e dos bombeiros amosan que Vigo estará "sempre ao carón das persoas que o necesitan". Desexou aos efectivos que "a súa estancia sexa útil para as persoas, e que o nome de Vigo volva estar unido ás causas xustas e da solidariedade". O rexedor "encargou" aos axentes que transmitan aos valencianos "os nosos mellores desexos e moito ánimo".