Co gallo da celebración do 17 de maio, día da Internet e das Letras Galegas, o programa de lecer alternativo "Súbete ó Castro", da Concellería de Xuventude, organiza unha serie de actividades que se desenvolverán ao longo da semana do 14 a 19 de maio.
Continúan os Castroconcertos coa actuación dos grupos L. CSAR & LK POLAKO e EL ENIGMA, a partires das 22:30h o sábado 12 de maio e o domingo de 10 a 11h haberá Tai Chi ao aire libre.
O domingo 13 de maio, na SalaA! (Avda. Beiramar, 113), de 17:00 a 20:00 horas, dentro do espazo "Sala Ábrete", terá lugar unha gran festa ambientada en Uruguai. A entrada será gratuíta e a sala estará decorada con motivos típicos dese país.
<br /> O sábado 12 de maio, na SalaA! (Avda. Beiramar, 113), a partires das 19:00 horas, dentro do espazo "Sala Ábrete", terá lugar un festival de música emerxente denominado "Pelexando á contra". Trátase dun festival organizado por xente moza, en colaboración coa Concellería de Xuventude de Vigo no que participarán diferentes músicos e formacións musicais da cidade.
Despois de percorrer con grande éxito varias prazas e rúas da cidade, o vindeiro sábado 12 de maio, o programa de animación de rúa da Concellería de Xuventude "Emprázate" ocupará a rúa Peonil do Calvario para transformala nun gran circo cheo de actividades que farán as ledicias do público de todas as idades.
A Concellería de Xuventude convida a todas as mozas e mozos a participar na gran variedade de actividades que nas Tardes e Noites Vivas teñen á súa disposición en diferentes puntos da cidade.
A mocidade de Vigo conta desde hoxe cun novo espazo chamado "Punto Xove" situado na rúa López de Neira,27. O servizo da Consellería de Xuventude ofrecerá asesoramento e información sobre todos aqueles temas de interese para a mocidade.
A Praza da Princesa converterase, o sábado 5 de maio, nun gran esceario circense con actividades dirixidas a todos os públicos. O espectáculo, patrocinado pola Concellería de Xuventude de Vigo, comezará ás 17:00h. coa realización de obradoiros de zancos, maxia, bolas e diábolos. Ás 20:00h. iniciarase o gran cabaret circense, onde actuarán varios artistas de diferentes especialidades do novo circo.
Os mozos e mozas de Vigo terán a oportunidade, o venres e sábado, de poder aprender e practicar diferentes modalidades de danzas e bailes de forma totalmente gratuíta. Algunhas destas artes como capoeira, danza do ventre, break dance, baile galego, bachata e baile moderno poderanse atopar en diferentes puntos da cidade dentro do programa da Concellería de Xuventude Tardes e Noites Vivas.
O sábado 4 e domingo 5 de maio, na SalaA! (Avda. Beiramar, 113), de 17:00 a 20:00 horas, dentro do espazo "Sala Ábrete", terá lugar unha programación dirixida á xente moza.