"Emprazate " no Calvario

venres, 11 mai 2007

Despois de percorrer con grande éxito varias prazas e rúas da cidade, o vindeiro sábado 12 de maio, o programa de animación de rúa da Concellería de Xuventude "Emprázate" ocupará a rúa Peonil do Calvario para transformala nun gran circo cheo de actividades que farán as ledicias do público de todas as idades.

"Emprázate" en Princesa

venres, 4 mai 2007

A Praza da Princesa converterase, o sábado 5 de maio, nun gran esceario circense con actividades dirixidas a todos os públicos. O espectáculo, patrocinado pola Concellería de Xuventude de Vigo, comezará ás 17:00h. coa realización de obradoiros de zancos, maxia, bolas e diábolos. Ás 20:00h. iniciarase o gran cabaret circense, onde actuarán varios artistas de diferentes especialidades do novo circo.

Fin de semana de bailes e danzas nas "Noites Vivas"

venres, 4 mai 2007

Os mozos e mozas de Vigo terán a oportunidade, o venres e sábado, de poder aprender e practicar diferentes modalidades de danzas e bailes de forma totalmente gratuíta. Algunhas destas artes como capoeira, danza do ventre, break dance, baile galego, bachata e baile moderno poderanse atopar en diferentes puntos da cidade dentro do programa da Concellería de Xuventude Tardes e Noites Vivas.

Música metal na "Sala Ábrete"

venres, 4 mai 2007

O sábado 4 e domingo 5 de maio, na SalaA! (Avda. Beiramar, 113), de 17:00 a 20:00 horas, dentro do espazo "Sala Ábrete", terá lugar unha programación dirixida á xente moza.