venres, 14 feb 2014
O alcalde rubricou este venres o convenio, no que participan Gas Natural, FAIMEVI, Foncalor, Instalectra, APEC e Asemaco, co obxectivo de mellorar a eficiencia enerxética nos edificios de vivendas da cidade. Gas Natural movilizará 12 millóns no financiamento das reformas e os usuarios recuperarán o investido co aforro da enerxía dos seguintes cinco anos, segundo explicou Caballero.
venres, 7 feb 2014
Segundo informou o alcalde, a próxima semana comezarán as obras do acceso a Navia desde a VG-20, da escola infantil do nomeado barrio e humanizacións en Hispanidade, Ferreiros e en distintas parroquias. En 15 días será o turno do Centro Galego de Fotografía, Marqués de Valterra, Jenaro de la Fuente e as escaleiras mecánicas desde a Porta do Sol.
venres, 31 xan 2014
A Xunta Local de Goberno deu luz verde hoxe venres á aprobación da redacción dos proxectos de renovación de redes de saneamento e abastecemento por valor de 2,4 millóns con cargo ás inversións de Aqualia. Esta partida ampliaráse próximamente con novas humanizacións e o importe total do investimento da empresa concesionaria ascenderá a 4,1 millóns de euros.
xoves, 30 xan 2014
Antes dun mes comezarán máis de vinte humanizacións en distintas zonas do centro e do rural de Vigo, segundo avanzou o rexedor hoxe xoves. Cun montante de 2,8 millóns de euros, iniciaránse entre outras, as obras da escola infantil de Navia, dotada de 717.000 euros.
martes, 28 xan 2014
O concelleiro de Fomento, David Regades, alertou este martes da paralización das obras da rúa Areal, pendentes dunha autorización do Porto para realizar duas canalizacións en terreo portuario. Tal e como indicou en rolda de prensa, unha delas é para albergar a rede semafórica do paso de peóns cara ao parque infantil e a segunda, para albergar o abastecemento que posibilite o regadío dos xardíns.
martes, 21 xan 2014
O concelleiro de Fomento, David Regades, informou este martes do inicio en febreiro de 21 actuacións en toda a cidade, desde as humanizacións de Genaro de la Fuente, Hispanidade e Marqués de Valterra ata a escola infantil e o novo acceso a Navia. Estarán rematadas nun prazo máximo de tres meses.
luns, 20 xan 2014
O alcalde avanzou un plan de investimentos para os próximos meses cun importe total de 10 millóns de euros que, na súa opinión, serán "gran xeradoras de emprego". Este montante é resultado da suma dos 5,9 millóns do superávit de 2012 e os investimentos de Aqualia para 2014, que superan os 4 millóns de euros. Engadiu que a estes investimentos haberá que engadir os previstos no documento de orzamentos do exercicio 2014.
luns, 13 xan 2014
O concelleiro de Fomento, David Regades, garantiu este luns a calidade da auga potable da cidade tras informar do estudo de 104.272 mostras recollidas o pasado ano en máis dunha treintena de puntos da rede de servizo, desde o encoro de Eiras ata nas canalizacións de abastecemento.
venres, 10 xan 2014
Abel Caballero visitou hoxe os traballos de mellora da rúa Camelias, unha vez rematada a renovación do saneamento en toda a primeira fase -entre Independencia e Doutor Marañón. En 8 meses rematará as obras desta primeira fase dunha humanización que na súa totalidade chegará á rúa Venezuela cun custo de 6,5 millóns.
xoves, 9 xan 2014
O alcalde coñeceu hoxe de primeira man a evolución das obras de humanización que se están a acometer na rúa Anduriña. Tal e como explicou, nun mes estarán rematados os traballos de renovación de beirarrúas, asfaltado e pluviais.