As choivas rexistradas nos últimos días na cidade elevaron do 41,7 ao 46,02% o volume de auga embalsada en Eiras, o encoro que da servizo a Vigo, o que "alivia" a situación do abastecemento pero non invalida as medidas de emerxencia e consumo responsable adoptadas polo goberno de Vigo. Abel Caballero asegurou que, nestes días de precipitacións, a cidade gañou 10 días de consumo.
Abel Caballero anunciou este luns a convocatoria dunha Xunta de Goberno Local para solicitar da Xunta de Galicia "oficialmente a declaración de zona de atención inmediata e preferente" do abastecemento de auga de Vigo, e enviará un requerimento para que constrúa a conexión de emerxencia entre a unión dos rios Verdugo e Oitavén coa rede viguesa. A situación é "preocupante" e en dúas ou tres semanas podería notarse unha merma na calidade da auga.
Abel Caballero informou este venres da saída a concurso dos proxectos de humanización das rúas Nicaragua, Menéndez Pelaio, Doutor Marañón e as segundas fases de Aragón e Martínez Garrido, sumando un importe total de 10,8 millóns de euros. O alcalde defendeu as humanizacións como "modelo de cidade sostible", xeradoras de economía e creadoras de "miles de postos de traballo".
O alcalde manifestouse en "absoluto desacordo" coa decisión do goberno autonómico de non construir a conexión de emerxencia entre a confluencia dos ríos Verdugo e Oitavén coa condución de auga de Vigo. Caballero recordou que o encoro de Eiras atópase no 44,3% da súa capacidade e por debaixo do 35% "a calidade do auga vai empezar a diminuir de forma visible". O consumo actual é de medio punto por día.
Abel Caballero anunciou hoxe martes a proposta municipal para "anticiparse" a posibles problemas de abastecemento de auga en Vigo e comarca, que pasa porque a Xunta de Galicia constrúa unha vía de emerxencia desde a confluencia dos ríos Oitavén e Verdugo ata a condución do encoro de Eiras. Para solventalo de xeito definitivo, Caballero insta ao Goberno de España a realizar unha condución permanente do Verdugo ata Eiras.
O Concello de Vigo vai remitir á Xunta e ao Ministerio de Medio Ambiente un proxecto de conducción de emerxencia entre a confluencia de Verdugo e Oitavén cara a ETAP de Casal para garantir o abastecemento en previsión de que nos próximos dez días non chova. Caballero, quen recordou que a presa de Eiras está ao 46,38%, indicou que "usando o excedente de caudal dos ríos, por riba do ecolóxico, obteríamos o 60 por cento do que se consumo da cidade".
O alcalde de Vigo, Abel Caballero, percorreu este mércores as rúas Pino e Asturias, humanizadas polo goberno local cun orzamento superior aos 800.000 euros. As reformas realizadas polo Concello, "de alta calidade", inclúen a ampliación da superficie para as novas beirarrúas de granito, así como a renovación das canalizacións de servizos soterrados e a incorporación de novo arborado e mobiliario urbano.
O alcalde de Vigo, Abel Caballero, anunciou que hoxe xoves da comezo a campaña municipal en distintos medios de comunicación para sensibilizar á cidadanía viguesa da necesidade de aforrar auga, ante a eventualidade dun outono seco. Actualmente, o nivel embalsado no encoro de Eiras -o que suministra á cidade- atópase nun 51%, o que podería surtir de abastecemento ata xaneiro.
O alcalde de Vigo, Abel Caballero, anunciou este mércores que, de continuar as previsións metereolóxicas sen choivas, o goberno local iniciará unha campaña cidadá en medios para chamar ao consumo responsable de auga, dado que o gasto do Concello xa é "mínimo" desde hai un mes. O primeiro edil indicou que estamos nunha "situación moi difícil", co volume embalsado en Eiras dun 54,4% e en Zamáns dun 45,5%.
Á altura do número 160 da Travesía de Vigo, o alcalde anunciou que a próxima semana dará comezo o proxecto de humanización deste treito do vial, un compromiso adquirido por Caballero durante a campaña electoral que estará rematado tras dous meses de obras. Explicou o primeiro edil que o importe da obra achégase aos 100.000 euros e deixará este treito da rúa coa máxima calidade, "no mesmo nivel que o conxunto da Travesía de Vigo".