martes, 10 xan 2012
Abel Caballero explicou esta mañá que desde que ostenta a Alcaldía da cidade os investimentos en melloras na zona de Balaídos ascenden a 12 millóns de euros, unha cifra "histórica" que significa que en "catro anos investiuse máis do dobre que en toda a historia da democracia". O rexedor fixo estas declaracións durante a inauguración formal do tramo entre Manuel de Castro e Eugenio Kraff que quedara sen humanizar antes das eleccións municipais, "polo que estamos a cumprir un co compromiso electoral e político".
luns, 2 xan 2012
Abel Caballero realizou a súa primeira visita do novo ano aos traballos de humanización do entorno da Travesía de Vigo 160, do caleixón do número 164 e da rúa Rosario Hernández Diéguez "A Calesa", cun importe total próximo aos 120.000 euros. O rexedor apuntou que "plantexamos continuar coas humanizacións" no 2012 porque "o que sigo recibindo dos cidadáns son demandas de humanización".
venres, 30 dec 2011
A Xunta de Goberno Local validou, entre este venres e onte xoves, a adxudicación definitiva das obras de humanización de Doutor Marañón, Pintor Colmeiro, Menéndez Pelayo, Brasil, as segundas fases de Ramón Nieto, Aragón e Martínez Garrido, Nicaragua e un treito da Avenida Castelao por valor total de 15,5 millóns. O goberno tamén deu luz verde á reforma interior da escola infantil de Mestres Goldar, que terá 100 prazas.
venres, 30 dec 2011
O alcalde visitou este venres o parque central de Lavadores, onde o Concello dispuxo unha instalación fotovoltaica que xera enerxía eléctrica limpa equivalente ao 5% do consumo do centro, cunha producción de 21,9 megavatios por hora. Este "elemento de aforro enerxético moi importante" súmase ás placas térmicas habilitadas no teito do mesmo, que proporcionan o 40% da calefacción empregada polo Parque.
venres, 23 dec 2011
A Xunta de Goberno Local validou este venres a clasificación de ofertas das obras de humanización de Doutor Marañón, Pintor Colmeiro, Menéndez Pelayo, Brasil, as segundas fases de Ramón Nieto, Aragón e Martínez Garrido, Nicaragua e un pequeno treito da Avenida Castelao, a iniciar nun prazo aproximado de dous meses. Caballero resaltou que "queremos seguir facendo humanizacións en todo Vigo porque é o que a cidade demanda e é o noso compromiso político e electoral con esta cidade".
xoves, 22 dec 2011
As obras de Severino Cobas estarán rematadas en seis meses, o que permitirá unir a Avenida de Madrid coa Doblada e con zonas de Lavadores e Cabral, segundo explicou esta mañá o alcalde. Este "vial estratéxico" conta cun orzamento de execución de 3,5 millóns de euros, máis outros 3 de expropiacións.
martes, 15 nov 2011
O alcalde estivo presente este martes na visita realizada por técnicos do saneamento de Pequín ao servizo municipal de augas de Vigo, nas instalacións de Aqualia na rúa Cantabria. A delegación chinesa puido coñecer de primeira man os pormenores da xestión viguesa da auga e puxeron en común cos responsables vigueses o deseño e as ferramentas empregadas no saneamento.
venres, 4 nov 2011
O alcalde de Vigo, Abel Caballero, informou dos acordos adoptados hoxe na Xunta de Goberno Local, onde aprobouse a tramitación para adxudicar, antes de finalizar o ano, humanizacións de rúas por máis de 15 millóns de euros, ademáis de adxudicar definitivamente a reforma en tres fases de Severino Cobas, cun investimento de 3,5 millóns de euros. Caballero defendeu as humanizacións como embelecedoras da cidade e xeradoras de postos de traballo.
venres, 28 out 2011
A Xunta de Goberno Local deu este venres luz verde á contratación da urbanización da rúa Severino Cobas, composta por tres fases que iniciaranse ao mesmo tempo cun orzamento de 3,5 millóns. Abel Caballero tamén informou do acordo adoptado polo goberno de Vigo que permite a apertura do aparcadoiro soterrado de Areal e da humanización en superficie.
xoves, 27 out 2011
Abel Caballero eloxiou este xoves o dispositivo de emerxencia municipal disposto ante a alerta laranxa da tarde de onte, que deixou en Vigo 97,4 litros por metro cadrado de precipitacións causando inundacións polo desbordamento do Lagares, en Julián Estévez e en Areal principalmente. O alcalde indicou que a cidade e as humanizacións comportáronse "francamente ben" e apuntou que o encoro de Eiras incrementou 20 puntos a porcentaxe de volume embaslada.
