As obras de humanización de rúa Brasil rematarán no mes de setembro
Abel Caballero visitou hoxe venres os traballos de humanización da rúa Brasil, no momento no que se está a executar a segunda fase da obra, entre as rúas Vázquez Varela e Gran Vía. O orzamento ascende a 1,9 millóns de euros e, segundo o rexedor, o remate está previsto para o mes de setembro.
A humanización da rúa Brasil rematará no mes de setembro, segundo avanzou hoxe venres o alcalde de Vigo, durante unha visita na que estivo acompañado polo edil responsable, David Regades e máis o concelleiro de Parques e Xardíns, Angel Rivas. Unha vez rematado o tramo que vai desde a Praza de Isabel A Católica ata Vázquez Varela, nestes momentos, estase a acometer a segunda fase, desde Vázquez Varela ata Granvía.
O rexedor explicou que a densidade do tráfico da zona impediu reducir os carrís de circulación desta rúa, aínda que se ampliaron as beirarrúas e se mantén o aparcamento. En total, puntualizou, trátase dunha actuación de medio kilómetro, cun orzamento de 1,9 millóns de euros. Instalaránse, engadiu, 100 árbores, granito de alta calidade, 55 luminarias, 500 metros de colectores de saneamento e abastecemento, ademais dunha ducia de bancos.
Caballero amosou a súa vontade de continuar coa política de humanizacións e xeración de emprego porque, exemplificou, nesta obra contratouse a 60 persoas.
Descargar todas as imaxes
O rexedor explicou que a densidade do tráfico da zona impediu reducir os carrís de circulación desta rúa, aínda que se ampliaron as beirarrúas e se mantén o aparcamento. En total, puntualizou, trátase dunha actuación de medio kilómetro, cun orzamento de 1,9 millóns de euros. Instalaránse, engadiu, 100 árbores, granito de alta calidade, 55 luminarias, 500 metros de colectores de saneamento e abastecemento, ademais dunha ducia de bancos.
Caballero amosou a súa vontade de continuar coa política de humanizacións e xeración de emprego porque, exemplificou, nesta obra contratouse a 60 persoas.