Abel Caballero visitou hoxe venres os traballos de humanización da rúa Brasil, no momento no que se está a executar a segunda fase da obra, entre as rúas Vázquez Varela e Gran Vía. O orzamento ascende a 1,9 millóns de euros e, segundo o rexedor, o remate está previsto para o mes de setembro.
A falta de hoxe venres e mañá para pechar a admisión de solicitudes, o Concello de Vigo xa recibiu máis de 2.100 peticións para beneficiarse deste plan "de apoio ás familias e afectados pola crise", indicou o alcalde. Sete entidades solicitaron participar dos 200.000 euros que adica o goberno de Vigo a comedores e colectivos sociais.
O Concello inicia o estudo da aplicación da Lei de Costas que reduce de 100 a 20 metros a zona de servidumbre de protección. Tal e como explicou o rexedor, Urbanismo encargou un estudo cartográfico para coñecer cantas vivendas e núcleos van quedar desafectados de protección.
Segundo informou este venres Abel Caballero, o goberno local adxudicou hoxe o Servizo de Información Xuvenil, un único contrato para catro anos que engloba os dous anteriores da Casa da Xuventude e Punto Xove, conlevando un aforro anual de 35.000 euros.
O Auditorio de Castrelos acolle o concerto de verán que a Coral Casa Blanca ofrecerá o sábado 27 de xullo, ás 21 horas, dentro do programa de Vigo en Festas. Un concerto no que, con acompañamento orquestral, interpretaran diferentes bandas sonoras da historia do cine.
A fin de semana, disputaranse en Vigo dous importantes premios deportivos de este verán. O sábado 20 de xullo a XXXIV Edición do Gran Premio Cidade de Vigo de atletismo en pista, e a XXI Bandeira Concello de Vigo de traíñas odomingo 21 de xullo.
A Concellería de Participación Cidadá , organiza Obradoiros Infantís en horario de mañá, do díá 2 ao 30 de agosto nos Centros Cívicos Municipais.