O Concello pon en funcionamento a fonte de As Travesas logo de impermeabilizala

A fonte de As Travesas volve estar funcionando e con auga unha vez rematados os "complicados" traballos de impermeabilización, que ascenderon a 12.000 euros. Tal e como lembrou o primeiro edil, a fonte estaba parada desde finais de ano porque filtraba auga polo vaso e polas paredes exteriores. Procedeuse a selar o vaso, ademais de arreglar a canalización de fontenería. Tal e como explicou Caballero, o autor da obra, Silveiro Rivas, foi informado sobre esta reforma.