Abel Caballero rexeitou a proposta recollida na modificación do Plan Parcial de Navia realizada pola Xunta na parte que prevé construír aparcamentos en zonas verdes ou deportivas. En declaracións aos medios, o alcalde negou absolutamente esta posibilidade dado que se trata de terreos municipais.
A modificación puntual do PEPRI Casco Vello na zona da Panificadora "segue a velocidade de cruceiro" segundo avanzou esta mañá o rexedor, unha vez recibido informe favorable da Consellería de Medio Ambiente. Ao mesmo tempo, o Concello xa está a traballar coa Zona Franca no convenio de cooperación. <br />
Abel Caballero informou que o goberno vigués incoa o expediente para a consecución dos terreos que permitan levar o paseo fluvial ata Manuel Álvarez. O alcalde cifrou o investimento municipal en 776.000 euros neste novo tramo de 3,3 quilómetros, con seis meses de prazo estimado de obras.
Caballero anunciou este luns que a Xerencia de Urbanismo do Concello de Vigo aprobará esta semana a licencia solicitada para urbanizar unha parcela situada entre as rúas Barcelona e Zaragoza, á altura do cuartel da Garda Civil. Ademais, a Xunta de Goberno Local deu o visto e prace ao contrato do servizo de seguridade e vixilancia en Cedro, a supervisión dos mercadiños e o mantemento das instalacións de calefacción e auga dos pavillóns.
A Xerencia de Urbanismo aprobará o ditame dunha ordenanza que permitirá ao Concello poñer no mercado soares e edificios que se atopen en estado de ruína ou abandono. O seguinte paso administrativo será a validación do Pleno e posterior exposición pública. As previsións do goberno local son que a norma estea en vigor no segundo trimestre do ano.
Segundo adiantou Caballero este martes, o goberno de Vigo elaborou o proxecto dun novo acceso ao centro desde a estrada de Camposancos. O actual vial polo que accede o alumnado carece de beirarrúas. O alcalde considera "da maior importancia" crear unha nova entrada que ningún goberno anterior sequera previu
A Xerencia de Urbanismo outorga licencias para a derruba de varias construcións nas rúas San Paio, Cañiza e Serra. O alcalde, Abel Caballero, destaca a necesidade de vivenda de protección en Vigo e os atrasos que acumula a Xunta no PAU de Navia.