mércores, 12 mai 2010
O tenente de alcalde, Santi Domínguez, e a concelleira de Igualdade, Iolanda Veloso, clausuraron este mércores unha nova edición do programa "Camiña con nós pola igualdade", que na súa quinta convocatoria se impartiu en 35 centros escolares e acadou os 2.622 alumnos e alumnas participantes. No acto, que tivo lugar no EEI Monte da Guía, os nacionalistas salientaron a importancia de traballar a prol da igualdade de oportunidades dende o eido educativo.
martes, 11 mai 2010
O tenente de alcalde, Santi Domínguez, e a concelleira de Benestar Social, María Méndez, presentaron este martes o proxecto para o centro social de atención continuada e albergue de Vigo, que se ubicará nun terreo municipal de 259 metros cuadrados situado na Travesía de Ribadavia. Os nacionalistas destacaron que o orzamento para construír as novas instalacións ascende a 700.000 euros, dos que os orzamentos do Concello para 2010 contemplan xa o 50% "polo que instamos á Xunta a cumprir o seu compromiso e colaborar".
venres, 7 mai 2010
O tenente de alcalde, Santi Domínguez, avanzou este venres que o Concello de Vigo creará a primeira escola municipal de regueifa, en colaboración co Centro Cultural e Veciñal de Valadares. O nacionalista fixo este anuncio na quinta edición do Certame Escolar de Regueifas, cuxa final tivo hoxe lugar no CVC de Valadares e no que participaron máis de 400 estudantes de ESO de 8 centros escolares da cidade.
luns, 3 mai 2010
O tenente de alcalde, Santi Domínguez, anunciou este luns o investimento de 1.146.000 euros para a execución de novas actuacións de mellora no Casco Vello, con cargo aos fondos do plan FEIL 2010. Segundo destacou o nacionalista, o proxecto consiste na continuación de renovación do alumeado e os servizo públicos e o impulso dun plan de ornamentación no barrio que permitirán rematar o 2010 cun 90% do Casco Vello remodelado.<br />
venres, 30 abr 2010
O tenente de alcalde, Santi Domínguez, fixo un chamamento aos vigueses e viguesas para que mañá se animen a visitar o Ifevi e presenciar o Racingshow 2010, ao seu xuízo "un espectáculo grandioso". Na presentación do circuíto, o nacionalista tamén salientou que contar coa participación de tres campións internacionais como Timo Salonen, Miki Biasion e Armindo Araujo é "unha oportunidade única".
venres, 30 abr 2010
O tenente de alcalde e concelleiro de Comercio, Santi Domínguez, animou ás viguesas e vigueses a amosar o seu apoio ao pqueno e mediano comercio da cidade facendo nel as súas compras con motivo do Día da Nai. O nacionalista expresou a súa satisfacción por participar novamente na inauguración dos actos que organiza a Asociación de Comerciantes de As Travesas (Aetravi) para conmemorar este día.
xoves, 29 abr 2010
O tenente de alcalde, Santi Domínguez, anunciou que nos vindeiros días estarán a disposición da Xunta de Galiza terreos municipais para contruír o albergue. En resposta ás preguntas dos medios sobre as declaracións da Conselleira de Traballo e Benestar nas que aseguraba que o Concello era o responsable de que Vigo non tivera albergue, o nacionalista afirmou que o goberno vigués "non fará deixación de funcións cando se trate de traballar pola dignidade humana".
xoves, 29 abr 2010
O tenente de alcalde, Santi Domínguez, e a concelleira de Benestar Social, María Méndez, anunciaron este venres a renovación dos convenios bianuais co Comedor da Esperanza, a asociación Afán e os Hermanos Misioneros de los Enfermos Pobres, por un importe global de 60.000 euros. Os nacionalistas salientaron a labor que realizan estas entidades como complemento á atención pública ás persoas con menos recursos.
mércores, 28 abr 2010
O tenente de alcalde, Santi Domínguez, e a concelleira de Benestar Social, María Méndez, mantiveron hoxe unha xuntanza con membros dos equipos directivos e Anpas dos centros de ensino da zona do Calvario para presentarlles o programa municipal de prevención de condutas de risco dirixido a nenos e nenas de 6 a 12 anos. No encontro, os nacionalistas convidaron aos representantes da comunidade escolar desta área de Vigo a participar no proxecto, dado o alto éxito acadado polo programa que xa se está a desenvolver no barrio de Teis.
mércores, 28 abr 2010
O tenente de alcalde e concelleiro de Cascos Históricos, Santi Domínguez, presentou este mércores o proxecto de transporte público para o Casco Vello, xunto ao concelleiro de Patrimonio Histórico, Eudosio Álvarez. O nacionalista anunciou que antes de finais de ano comezará a funcionar un microbús eléctrico como proba piloto durante seis meses. Destacou que é un "paso importante" na mellora da mobilidade do barrio e para ofrecer unha mellor calidade de vida, xa que resolve problemas de accesibilidade, circulación e transporte.
