luns, 1 mar 2010
O tenente de alcalde e concelleiro de Comercio, Santi Domínguez, anunciou este luns que o Plan Estratéxico dos Mercados Muncipais 2010-2015, que será elaborado por un equipo de investigadores da Universidade de Vigo, definirá as estratexias que se porán en marcha nestas instalacións co obxectivo de potenciar a súa competitividade e modernización. Tras a xuntanza que mantivo cos xerentes dos mercados, o concelleiro defendeu a necesidade de elaborar unha planificación a longo prazo de todas as actuacións que se leven a cabo, entre as que tamén figuran a posta en marcha dun "plan escoita" e unha campaña de formación para os comerciantes.
venres, 26 feb 2010
O tenente de alcalde, Santi Domínguez, anunciou hoxe que a segunda convocatoria de axudas directas ao pequeño e mediano comercio superou todas as previsións, xa que se presentaron 2.388 solicitudes, máis do dobre que no primeiro prazo. O concelleiro avanzou que para facer fronte ao incremento de peticións amplianse os 600.000 euros previsitos inicialmente para chegar ata aos 850.000.
mércores, 24 feb 2010
O tenente de alcalde, Santi Domínguez, manifestou hoxe que o proxecto do Campus do Mar é un proxecto moi importante para Vigo e para Galiza, xa que conta co apoio das tres universidades e colocaría á cidade no centro da investigación marítima e pesqueira de Europa. Tras a xuntanza que mantivo co reitor da Universidade de Vigo, Alberto Gago, o nacionalista explicou que a reunión foi altamente positiva e agradeceu ao reitor a presentación que lle fixo do proxecto.
mércores, 24 feb 2010
O tenente de alcalde, Santi Domínguez, deu conta este mércores dos 14 proxectos nos que se investirán os 8.123.523 euros correspondentes do Fondo Estatal de Investimento Local. Entre as iniciativas que se levarán a cabo este ano coordinadas pola Tenencia de Alcaldía, o nacionalista destacou a rehabilitación dos edificios que albergará a futura pinacoteca de Vigo, a construción dun novo complexo deportivo ao aire libre en Barreiro, a continuación do plan de eliminación de barreiras arquitectónicas en dependencias municipais, a remodelación do auditorio de Castrelos e o impulso dunha plataforma tecnolóxica para o pequeno e mediano comercio da cidade.
martes, 23 feb 2010
O tenente de alcalde, Santi Domínguez, inaugurou este martes a rede de servizo Wimax, que da servizo fundamentalmente a espazos públicos e centros municipais do Casco Vello, aínda que tamén chega a outros puntos da cidade. O nacionalista salientou que esta rede, implantada a través do Plan E cun orzamento de 750.000 euros, é unha ferramenta máis na revitalización e recuperación do barrio histórico.
venres, 19 feb 2010
O tenente de alcalde e presidente do comité executivo da Fundación Vigo Convention Bureau, Santi Domínguez, deu conta este venres do Plan Estratéxico aprobado polo padroado deste organismo para os vindeiros tres anos. Nunha presentación na que tamén participou o seu xerente, Javier Díaz Arnau, o tenente de alcalde salientou que entre os obxectivos operativos figuran o incremento do 25% do turismo de negocios, o 20% dos congresos organizados na cidade e o 20% dos ingresos nas empresas do sector.
xoves, 11 feb 2010
O tenente de alcalde, Santi Domínguez, e a concelleira de Benestar Social, María Méndez, entregaron este xoves os 23.000 euros de recadación de Vigolandia ao presidente do Fondo Galego de Cooperación, Alfredo Nóvoa, que seran destinados a Haití para paliar aos damnificados do terremoto. "Vigo sempre foi unha cidade solidaria e todos os vigueses e viguesas que asistiron a Vigolandia se sentirán satisfeitos con esta axuda", asegurou o tenente de alcalde.
martes, 9 feb 2010
A Fundación Vigo Convention Bureau abre as súas portas ás entidades privadas coa sinatura hoxe dos convenios de colaboración coa Asociación Agarimo de Turismo Rural do sur da provincia de Pontevedra e a Asociación de Hosteleiros de Vigo, Ahosvi. Segundo afirmou o tenente de alcalde e presidente do comité executivo da Fundación Vigo Convention Bureau, Santi Domínguez, esta sinatura ten o obxectivo de potenciar o sector turístico da cidade.
venres, 5 feb 2010
O tenente de alcalde, Santi Domínguez, e o concelleiro de Cultura, Xesus López, presentaron a exposición "Vicus x Haití", que dende o 13 de febreiro ao 7 de marzo reunirá obras de 150 artistas na Casa das Artes baixo a coordinación de Mingos Teixeira. A recadación da venda das obras de arte, que se poderán adqurir ao 50% do seu prezo, destinarase á axuda de nenos e nenas do país caribeño a través de Unicef.
martes, 2 feb 2010
O tenente de alcalde, Santi Domínguez, presentou este martes un novo título da colección Os Bolechas van de viaxe centrado na súa visita a Vigo e un puzzle das illas Cíes como instrumentos de promoción da cidade. Santi Domínguez salientou que con estas iniciativas se quere "achegar aos nenos e nenas a nosa cidade levándoos de viaxe".
