O alcalde de Vigo informou hoxe luns que o vindeiro mércores, 22 de setembro, o Concello de Vigo sumarase un ano máis ao Día sen Coche coa gratuidade de nove liñas do bus urbano: serán as rutas C6, 14, 17, 18, 20, 21, 25, 28 e 29, priorizando por tanto o emprego do transporte colectivo nas parroquias da cidade.
O alcalde de Vigo, Abel Caballero, sinalou este luns que o goberno aprobou o proxecto de modificación da Xestión do Estacionamento Regulado (XER), a chamada zona azul, polo que os sancionados poderán evitar a multa de ata 45 euros con pagos de 2,3 euros, 5 ou 7 euros, dependendo do tipo de infracción. O alcalde explicou a rebaixa afirmando que "en absoluto" este sistema "ten unha función recadatoria" senón que procura unha "mellor circulación"
Abel Caballero rexeitou hoxe venres que o Concello de Vigo subvencione parte do custo do transporte metropolitano por ser competencia do goberno autonómico e sentenciou que "os impostos dos cidadáns de Vigo son para as necesidades dos cidadáns de Vigo". O alcalde ofreceuse a dar este servizo se a Xunta transfire as competencias e o financiamento correspondente ao Concello.
O alcalde, Abel Caballero, e o concelleiro de Seguridade, Xulio Calviño, presentaron este mércores dous novos camións para o servizo de bombeiros, cun investimento de 550.000 euros. O rexedor fixo balance dos investimentos neste servizo nos tres anos de mandato, cifra que supera os 3 millóns de euros, e anunciou a creación de 17 novas prazas.
Por mor os traballos de humanización en ambas rúas, o departamento de Mobilidade temporalmente modificará desde este xoves, 9 de setembro, a circulación do transporte privado e colectivo. Entre outros cambios, Pi i Margall verá suprimido o carril bus entre Llorente e López Mora por dous meses e, por un prazo de dúas semanas, López Mora suprime o carril bus taxi en dirección ao centro da cidade.
Á proposta da Concellería de Mobilidade e co visto bo do PSdeG e do BNG, o Pleno da Corporación aprobou unha disposición complementaria para a regulación de turnos de descanso para os taxistas, que terán unha xornada de descanso para "mellorar a calidade de vida" destes e racionalizar o servizo acorde á demanda, indicou Calviño. O regulamento entrará en vigor en probas durante tres meses.
Abel Caballero visitou este martes os novos pasos de peóns elevados de Navia, parte dos 69 instalados en toda a cidade desde mediados de 2007 aos que súmanse as 175 bandas redutoras de velocidade dispostas nos viais da cidade. "O efecto <sobre a seguridade> é notable", indicou o alcalde, quen cifrou en case un millón de euros o investimento do Concello para "un dos eixos da actuación municipal".
O concelleiro de Mobilidade, Xulio Calviño, fixo hoxe mércores unha valoración "enormemente positiva" da nova rotonda provisional ubicada na Gran Vía con Tarragona, unha medida que gaña en seguridade viaria para peóns e vehículos -non se rexistrou ningún accidente coa presenza dos Atestados- e facilita a circulación rodada no entorno de POVISA -en particular ao centro médico- e nos accesos e saídas do centro comercial Gran Vía.
Ás 11 da mañá deste luns comenzou a funcionar con total normalidade a nova glorieta ubicada en Gran Vía coa rúa Tarragona . Segundo explicou o alcalde vigués, Abel Caballero, toda a área de Gran Vía e de Povisa teñen xa a circulación e o tráfico que serán definitivos. O venres da pasada semana entraba tamén en funcionamento o tráfico na rúa Regueiro e a principios de xuño facía o mesmo a rotonda de Gran Vía con Islas Baleares.
Abel Caballero informou hoxe venres da apertura inmediata ao tráfico da rúa Regueiro, unha vez rematada onte a humanización. Por outra banda, o luns abrirase aos vehículos a rúa Tarragona, que cambiará o seu sentido a ascendente, e comezará a operar unha segunda rotonda provisional na Gran Vía, á altura de Tarragona. As modificacións conlevarán desde o luns pequenos cambios tamén en tramos de Pintor Colmeiro e da Hispanidade.