martes, 27 abr 2010
O concelleiro de Transporte e Mobilidade indicou que desde hoxe martes, ás 10 horas da mañá, abríuse ao tráfico con dobre sentido o tramo de Sanjurjo Badía que une a Avenida de Galicia coa rotonda de Pedro Alvarado, despois da súa humanización. En Castrelos, Calviño anunciou o cambio de sentido previsto para o vial que une a rotonda de acceso ao Pazo e a Avenida de Castrelos, que pasará a ser ascendente.
martes, 27 abr 2010
O concelleiro de Transporte, Xulio Calviño, explicou hoxe martes que xa foron adxudicados os traballos de instalación dos novos pasos resaltados, con cargo ao "Plan Zapatero" deste ano. Instalaranse desde o 5 de maio en Matamá, Balaídos, Navia, Alcabre, no centro e na zona de Cabral, e sumaranse aos 23 xa habilitados actualmente. As obras empregarán a catro traballadores durante catro meses.
martes, 13 abr 2010
A rúa Areal e as rúas do seu entorno sufrirán a partir do mércores unha restricción de tráfico por mor dos traballos de construcción do aparcadoiro soterrado que realiza a empresa UTE DRAGADOS EXCONSA. A concellería de Mobilidade, Transporte e Seguridade advirte que o treito que vai desde República Arxentina ata Inés Pérez de Ceta da rúa Areal estará pechada en ámbolos dous sentidos, con aceso exclusivo para garaxes.
luns, 12 abr 2010
A Concellería de Mobilidade e Transporte, que dirixe Xulio Calviño, pechou ao tráfico desde hoxe luns, e por un periodo aproximado dunha semana, o cruzamento de Policarpo Sanz con Darío Álvarez Blázquez, debido á impermeabilización do aparcadoiro soterrado en construcción. Os vehículos autorizados, principalmente para garaxes, accederán desde Marqués de Valladares.
mércores, 7 abr 2010
O concelleiro de Mobilidade e Transporte, Xulio Calviño, anunciou hoxe mércores a "renovación integral" da rede semafórica municipal, con "custe cero" para o Concello, que cambiará todas as unidades progresivamente. Para decidir a cor e o modelo, o departamento habilitou na web municipal (www.vigo.org) unha enquisa cidadá. Calviño anunciou asemade a instalación experimental de contadores de segundos nos semáforos para peóns e novos avisadores acústicos para invidentes.
xoves, 25 mar 2010
Unha vez rematada a humanización das avenidas, o concelleiro de Mobilidade, Xulio Calviño, presentou este xoves a nova ordenación do tráfico no entorno. Desde o luns 29 de marzo, a Avenida de Castrelos priorizará o acceso á cidade, mentres que Florida canalizará as saídas da urbe. A Avenida de Fragoso terá dous carrís de baixada e un de subida, e a Avenida de Balaídos cambiará de sentido, igual que Caleira, García Lorca e Quintela, entre outras. Unha docena de rúas veranse afectadas neste "cambio a mellor" do tráfico na zona.
venres, 26 feb 2010
A sede da Jefatura da Policía Local estrenou na xornada de hoxe unha nova galería tiro na que se investiron arredor de 190.000 euros e que constitue un importante avance no adestramento por parte dos axentes do citado corpo á hora de poñer en práctica a utilización de armas de fogo cando se producen actuacións relacionadas coa seguridade cidadán. Nas instalacións desenvolveronse algúns exercicios habituais na práctica de tiro nos que interviron con demostrada efectividade varios policías locais.
mércores, 24 feb 2010
Profesionalidade, eficacia e cercanía a os cidadáns foron as notas destacadad nas demostracións levadas a cabo hoxe na Praza do Rei polos axentes da Policía Local de Vigo con motivo da celebración do 25 aniversario da posta en marcha do citado corpo de seguridade. O alcalde Abel Caballero manifestou no acto o apoio da goberno que preside a Policía Local e manifestou a importante laboura da mesma a prol da seguridade cidadá.
venres, 12 feb 2010
O concelleiro de Transporte e Mobilidade, Xulio Calviño, presentou este venres a nova regulación no Casco Vello, que permite un máximo de 20 km/h para os vehículos autorizados e limita o estacionamento. Seis bolardos regulan o acceso exclusivo dos residentes, ademais das emerxencias e da carga e descarga, e os residentes contarán coas mesmas prazas de estacionamento que as existentes anteriormente, ubicadas agora en Poboadores, Chao, San Francisco, Cánovas del Castillo e o Berbés.
martes, 19 xan 2010
O alcalde de Vigo, Abel Caballero, participou hoxe martes na presentación dos 20 autobuses de Vitrasa que se integran na flota da citada compañía que coas novas incorporacións mantén en firme a súa aposta por un transporte accesible a personas con minusvalías e pola sostenibilidade ao reducir as emisións de gases á atmósfera. A inversión nos vehículos ascende a 4,4 millóns de euros, e coa posta en circulación dos mesmos a idade media do parque de Vitrasa é de 4 anos.
