martes, 18 xan 2011
Segundo explicou Abel Caballero durante a presentación, a partir deste mes incorpóranse dúas novas circulares e unha nova liña que reforzará o servizo entre Praza de España e Beiramar cando abra o Auditorio. Realízase ademais unha modificación da Circular Inversa e da Circular C4B co obxectivo de prestar servizo á rúa Venezuela e Vía Norte, respectivamente; e amplíase a liña C5A a Navia en fins de semana, prestando unha frecuencia de 15 minutos coa C5B.
luns, 17 xan 2011
Abel Caballero deu conta da Xunta de Goberno Local celebrada este luns en sesión ordinaria, na que aprobouse a adxudicación do contrato de mantemento da sinalización horizontal e vertical da cidade, por valor de 1,8 millóns de euros. O alcalde explicou que esta decisión "garante que as redes viarias de Vigo estean pintadas na forma que corresponde, con pintura antideslizante" e supón que "Vigo continúa o proceso de humanización e de mantemento das humanizacións".
martes, 21 dec 2010
Abel Caballero avanzou hoxe martes que o Concello de Vigo non cargará sobre o billete e os bonos a subida establecida para 2011 no contrato con VITRASA e manterá os prezos deste ano no ordinario e para universitarios, e rebaixará un céntimo as tarxetas restantes. O Concello sufragará con medio millón de euros esta baixada de prezos -a primeira vez que acontece en Vigo-, "un gran esforzo" municipal derivado da "crise moi dura" que estamos a atravesar.
venres, 17 dec 2010
O alcalde, Abel Caballero, e o concelleiro de Mobilidade, Xulio Calviño, reuníronse este venres con representantes da Asociación de Comerciantes da Zona Centro para estudar de xeito conxunto algunhas propostas da entidade para mellorar a circulación e a sinalización do centro. O obxectivo do Concello é facilitar a mobilidade e dar un mellor servizo á cidadanía e ao comercio da urbe.
venres, 17 dec 2010
Os cursos forman parte dun plan integrado de formación promovido pola Mancomunidade da Area Intermunicipal de Vigo e financiado polo Instituto Nacional de Administración Pública (Inap) con preto de 100.000 euros. O alcalde xunto a varios concelleiros e o xefe da Policía Local de Vigo, fixeron entrega dos títulos e destacaron a necesidade de formación constante e da actualización profesional.
Os paneis informativos pola cidade toman o relevo ás charlas nos centros de saúde
martes, 14 dec 2010
A Concellería de Seguridade programou accións para sensibilizar e informar á cidadanía do axeitado uso dos sistemas de retención infantil nos vehículos. A publicidade nos mupis é a última fase desta iniciativa, tras a recollida de datos, os trípticos e a formación impartida por axentes nos centros de saúde. A información da Policía Local revela que o 52% dos vehículos non levan os sistemas de retención en condicións aptas de seguridade para os nenos
Os pasaxeiros que viaxen á universidade poderán conectarse gratuitamente a Internet
venres, 10 dec 2010
O alcalde, Abel Caballero, e o concelleiro de Mobilidade, Xulio Calviño, presentaron hoxe venres esta iniciativa. Un ordenador ou móbil con conexión Wi-Fi é suficiente para acceder a rede de Vitrasa. As características das liñas á universidade son as idóneas para a implantación deste servizo. Con esta iniciativa, Vitrasa aposta unha vez máis polas novas tecnoloxías.
