Dous monitores explican aos viaxeiros as principais recomendacións á hora de subir, baixar e permanecer no autobús. Fan especial fincapé nas liñas de maior afluencia de público, que nesta época do ano se centran nas praias, no centro e nas do novo hospital e aeroporto. A campaña desenvólvese durante o mes de xullo e repartiranse máis de 3.000 folletos explicativos
O alcalde recibiu este mércores ao novo xefe superior de Policía de Galicia, Manuel Vázquez, tras o que Abel Caballero subliñou que "Vigo é un gran exemplo na suma de esforzos e na coordinación de accións para optimizar a seguridade", entre os sobre 900 efectivos de Policía Local, Nacional e Guarda Civil que operan na cidade.
Caballero volveu ofertar este venres á Xunta de Galicia a colaboración de Vigo para cambiar o protocolo do 112 en caso de lumes, xa que o actual "está funcionando mal". O rexedor explicou que o 112 non está a requirir a actuación dos Bombeiros de Vigo: ou non son chamados ou, se reciben o aviso, só son informados.
Caballero explicou este xoves que na noite do venres as frecuencias dos autobuses serán de trinta minutos e que a liña N3 partirá desde a Avenida de Castelao. Para a noite do sábado, entre os N1, N2 e un servizo especial, haberá autobuses de Coia ao centro de Vigo cada quince minutos.
<br /> O rexedor vigués anunciou este mércores que lle solicitou ao goberno autonómico adiantar a reunión, para hoxe mesmo ou mañá, para certificar a entrada de Vigo no transporte metropolitano. A conselleira de Infraestruturas da Xunta ofertara o venres ou dúas datas de xullo para a entrevista.
O rexedor vigués acudiu este martes á praia de Samil, onde saudou aos dezaseis efectivos que conforman a unidade Costa e Praia da Policía Local, parte dos máis de oitenta profesionais que traballan na seguridade, salvamento e socorrismo nos areais de Vigo, ata o 15 de setembro.
Abel Caballero explicou este mércores que o servizo nocturno do autobús terá frecuencias de 15 minutos no acceso e saída de Samil, coas liñas N1 (no seu percorrido habitual), N2 (que se prolonga ata o areal) e cunha ruta especial. Na limpeza, o Concello habilita un dispositivo de 25 vehículos e 61 traballadores. <br />
Caballero informou hoxe martes da instalación dun novo pavimento, "experimental", no paso de peóns sobreelevado de Menéndez Pelayo, fronte ao ascensor inclinado que conecta coa Avenida das Camelias. O alcalde explicou que é "moi visible" para vehículos e peóns e ten un compoñente adherente para axudar á freada. <br />
O alcalde anunciou este martes esta nova proposta en materia de seguridade viaria nos colexios, segundo a cal o goberno de Vigo establece rutas seguras para que os nenos e nenas de Primaria accedan ao centro educativo de forma autónoma. Os itinerarios, xa iniciados no CEIP Escultor Acuña de forma experimental, están marcados con pegadas de dinosauro.
O alcalde participou este venres na descuberta de inscricións nos pasos de peóns da cidade con mensaxes que avogan pola seguridade viaria e animou á cidadanía a participar o domingo na carreira "Ponlle freo" que recadará fondos para a Asociación Alento de Dano Cerebral.