O Pleno celebrado este luns deu luz verde a dúas mocións presentadas polo PP solicitando do goberno municipal a redacción e posta en marcha dun plan xuvenil municipal e que habilite terreos para a posta en marcha dos puntos limpos que prevé o PXOM. <br />
O PSOE presentou esta mañá unha moción na que instaba ao Goberno de España a garantir o acceso ás novas terapias para os doentes de Hepatite C, cifrados nun mínimo de 30.000 persoas. Esta iniciativa contou co voto favorable do BNG e a abstención do PP.
O Pleno da Corporación debatiu este luns unha moción nacionalista instando a recuperar a ornamentación vexetal da rotonda da Avenida de Castelao, onde o goberno de Vigo prevé a instalación do histórico barco Bernardo Alfageme. PP e BNG sumaron os seus votos para aprobar esta moción, coa oposición socialista.
A unanimidade da Corporación deu luz verde á moción deste luns do PP, que solicita para o escritor francés unha rúa da cidade, unha exposición sobre a súa obra e o seu paso por Vigo, incluir as súas referencias á cidade nas promocións turísticas municipais e realizar xestións para que acoller unha futura edición do "Congreso Internacional Verniano".
A moción, presentada polo grupo de goberno e apoiada pola oposición, reclama do goberno autonómico que realice na actual estación melloras ns escaleiras mecánicas, nos sistemas de información e nos accesos dos usuarios, entre outras, ao tempo que esixe da Xunta que constrúa a nova terminal de autobuses no espazo anexo á estación de tren de Urzáiz reservada ao efecto.
Todos os grupos políticos municipais apoiaron este luns a moción presentada polo PP no Pleno da Corporación, instando ao Concello a "activar e dinamizar" a Mesa cara a "prevención, sensibilización e intervención da violencia de xénero" así como requerir da Xunta de Galicia a elaborar un regulamento de funcionamento das mesas para unha mellor coordinación interinstitucional.
A sesión deste luns deu luz verde á moción do BNG instando ao goberno local á realización dunha auditoría que permita ter os "datos reais e un control exhaustivo" do servizo que está prestando a empresa Vitrasa. A decisión, apoiada polo PP coa abstención dos socialistas, tamén require a avaliación do novo mapa de liñas e a súa eventual mellora.
A moción presentada este luns no Pleno polo grupo socialista foi aprobada co apoio nacionalista e a oposición do PP e esixe ao Goberno de España que manteña o Instituto da Muller como ente autónomo especializado na igualdade de oportunidades entre xéneros. Vigo pide igualmente máis recursos para o Instituto e devolverlle a capacidade de acción que tiña.