O Pleno da Corporacion celebrado este luns acordou por unanimidade, a proposta do PP, solicitar un plan de transporte, consensuado coas asociacións de veciños e axentes sociais da cidade, que dea cobertura a todas as parroquias e barrios para a súa conexión co novo hospital de Vigo.
O alcalde comprometeuse este luns durante o Pleno da Corporación a manter os postos de traballo das escolas infantís municipais no novo contrato de xestión: "teñan a tranquilidade de que isto se vai resolver", afirmou Caballero. A unha moción do BNG, o goberno de Vigo engadiu a "vontade política de prever a subrogación de persoal" nos pregos "dentro do máis estrito respecto á legalidade". O texto saíu adiante coa unanimidade dos concelleiros.
A moción do grupo de goberno saíu adiante este luns co apoio nacionalista e a oposición do PP, solicitando da Xunta de Galicia a eliminación do canon da auga e a invertir aquí o cobrado na cidade en anos anteriores por este concepto. Ademais, a Corporación reprobou a "actitude sectaria e discriminatoria da Xunta na súa política de subvencións" a entidades viguesas, particularmente culturais.
A facultativa Carmen Albo intervíu este luns na sesión plenaria municipal solicitando o apoio dos concelleiros á reclamación dos profesionais de situar o laboratorio central no novo hospital e non no Meixoeiro, como ten planificado a Xunta. A instancias do goberno local, a Corporación votou e acordou un recoñecemento aos traballadores da sanidade viguesa e esixiu á Xunta que "reconsidere" a ubicación do laboratorio.
O Pleno da Corporación aprobou por unanimidade esta proposta do goberno local, despois de que unha organización internacional situase á cidade olívica como a mellor de Galicia no Índice de Transparencia 2014, con 95 puntos sobre 100. A Federación Española de Municipios e Provincias felicitara ao Concello e invitouno a sumarse á citada Rede.
A totalidade dos concelleiros apoiaron na sesión plenaria deste luns nomear "Pavillón Municipal Pablo Beiro" ao recinto deportivo de Bouzas, homenaxeando así a traxectoria do recentemente falecido edil do Partido Popular, deportista, fundador e presidente do club deportivo AMFIV. Os tres grupos políticos con representación na Corporación eloxiaron a calidade persoal de Beiro a súa intensa labor nos ámbitos político, social e deportivo.
Socialistas e nacionalistas, coa oposición do PP, aprobaron a moción presentada polo BNG instando ao goberno autonómico a adoptar as medidas precisas para esixirlle a POVISA a readmisión dos 13 traballadores aos que lles comunicou a extinción do seu contrato e que aplique as "sancións establecidas no concerto" de "persistir na súa política de persoal".
Os grupos socialista e nacionalista deron luz verde a unha moción defendida por Santos Héctor na que solicita un plan de emprego específico para a cidade de Vigo atendendo ás súas características. Esta iniciativa contou co voto en contra do grupo do PP.