luns, 28 set 2015
Todos os grupos respaldaron a intervención de Alberto Gonçalvez Herrero, secretario comarcal da CIG, quen solicitou o apoio do Pleno para impulsar unha iniciativa lexislativa popular no Parlamento Galego con medidas que garantan a enerxía como servizo público e contra a pobreza enerxética.
martes, 8 set 2015
As dúas mocións presentadas polo grupo municipal socialista foron aprobadas por maioría absoluta cos votos favorables do PSdeG-PSOE e da Marea de Vigo e coa oposición dos concelleiros do Partido Popular. Así, o Pleno do Concello de Vigo, celebrado este martes, insta ao goberno galego a tramitar o carácter gratuíto do estacionamento do Hospital Álvaro Cunqueiro e a iniciar o proceso para reverter o centro ao ámbito público amais de dotalo do laboratorio central da área sanitaria de Vigo.
martes, 8 set 2015
Cos votos favorables de PSOE e Marea de Vigo, o Pleno acordou este martes incrementar a partida de produtividade en 825.000 euros, unha proposta elevada polo goberno de Vigo atendendo ás condicións salariais do persoal municipal. A Corporación tamén deu luz verde á modificación orzamentaria para sufragar os custos dos contratos de recollida de lizo e limpeza viaria.
martes, 8 set 2015
A Corporación estima que as partidas consignadas para Vigo no proxecto de orzamentos para o ano 2016 son "insuficientes" e que existen outros investimentos necesarios que non quedan recollidos no documento. Ademais, o Pleno deu luz verde a unha moción socialista que demanda ao Ministerio de Facenda que dite as instrucións necesarias para que o teito de gasto teña en conta o estado de gastos do orzamento en execución.
luns, 27 xul 2015
A moción, presentada polo grupo socialista, obtivo o apoio da totalidade dos concelleiros vigueses e reclama do goberno central ampliar a protección por desemprego ás persoas con máis dun ano no paro, con responsabilidades familiares e cumpran os requisitos de carencia de rendas, vítimas de violencia de xénero, discapacitados e outros supostos. O texto tamén pide implementar un plan de emprego específico para desempregados de longa duración.
luns, 29 xuñ 2015
A Corporación municipal non suporá un maior custo que o da anterior lexislatura, segundo se decidiu esta mañá nun Pleno extraordinario. A proposta do goberno local foi manter o mesmo gasto que hai catro anos en dedicacións para os concelleiros e en dotacións económicas para os grupos municipais.
venres, 12 xuñ 2015
O Pleno de constitución da nova Corporación e elección do alcalde celébrase o sábado 13 de xuño, ás 11 horas, no auditorio municipal. Os 27 corporativos xurarán ou prometerán o seu cargo para con posterioridade proceder á elección do próximo alcalde de Vigo.