A unanimidade do Pleno deu o visto bo este martes á moción presentada por Marea de Vigo demandando a subrogación do cadro de persoal dos dous estacionamentos coa emenda in voce do grupo socialista na que matiza que non se terá en conta o tempo transcorrido entre a extinción da licitación e a nova adxudicación en ningún dos dous casos.
Os votos a favor dos tres grupos que conforman a Corporación Municipal deron luz verde á tramitación dun novo PXOM na sesión extraordinaria e urxente do Pleno celebrado este venres. O alcalde sinala que o goberno local rexistrou este luns día 14 de decembro a solicitude dos informes necesarios para iniciar a tramitación ante a Xunta de Galicia, o Goberno de España e a Deputación de Pontevedra.
Os votos do goberno de Vigo validaron este luns as contas para o ano que vén, un orzamento de "marcado carácter social", en verbas do concelleiro de Facenda, Jaime Aneiros, que ascende a 225,9 millóns. O alcalde, Abel Caballero, valorou que a "estabilidade política" no Concello permite a Vigo ser a única entre as "cidades importantes" do Estado en ter o seu orzamento do 2016 xa aprobado.
A proposta do goberno local, e cos votos favorables de todos os concelleiros e concelleiras da Corporación, o Pleno certificou hoxe luns a adhesión do Concello de Vigo ao Código de Bo Goberno Local promovido pola FEMP, un texto aprobado pola Federación Española de Municipios e Provincias sendo Abel Caballero entón vicepresidente da entidade que hoxe dirixe. <br />
O alcalde de Vigo presidiu o acto de homenaxe que o Concello rendeu a Xosé Neira Vilas na biblioteca pública que leva o seu nome. Concelleiros e cidadáns reuníronse para lembrar a figura deste escritor clásico da literatura galega.
O Concello abonou as súas facturas no terceiro trimestre do ano nun prazo medio de 19 días, segundo se desprende do informe trimestral de Tesourería que pasou este luns polo Pleno da Corporación Municipal. O edil de Facenda, Jaime Aneiros, explicou que este dato sitúa a Vigo á cabeza das cidades galegas e entre as mellores de España. O concelleiro salientou asemade que as 2.303 operacións efectuadas foron abonadas en prazo e sen xuros de demora.
Este luns, o Pleno da Corporación de Vigo comezou coa lectura a cargo de Rosa Chantada, en representación do Consello Municipal da Muller, dunha declaración institucional por mor do 25-N, Día internacional para a erradicación da violencia contra as mulleres, baixo o epígrafe "Somos quen de deter a violencia machista"<br />