martes, 29 xul 2014
Todos os grupos políticos coincidiron esta mañá ao solicitar á Deputación de Pontevedra e á Zona Franca que contribúan económicamente ás obras necesarias no Estadio Municipal de Balaídos. Unha moción do PP, apoiada polo resto dos partidos, insta a técnicos municipais a redactar un informe que avalíe os custos da totalidade de actuación precisa.
luns, 30 xuñ 2014
Presentada polo PP, unha moción aprobada por todos os grupos políticos solicita do goberno local o mantemento dos espazos e rúas do centro da cidade que foron humanizados hai máis de tres anos. Outro acordo adoptado por unanimidade posibilitará empregar zonas verdes como espazos públicos de exposición temporal de esculturas.
luns, 30 xuñ 2014
A moción -presentada polo grupo socialista na sesión plenaria este luns e aprobada co apoio de todos os partidos- insta ao Ministerio a realizar un estudo, deseñar un plan de acción e acometer as medidas concretas "para reducir os niveis de exposición da poboación de Vigo ao ruído ocasionado polo segundo cinto, especialmente nas zonas de Navia e Valadares"
luns, 30 xuñ 2014
As arcas públicas aforrarán 3,2 millóns en intereses grazas á amortización de crédito de 11 millóns que aprobou esta mañá a Corporación municipal. Tal e como explicou a tentente de alcalde e presidenta no Pleno, Carmela Silva, esta operación é un paso máis do plan adoptado en 2013 cara á débeda cero e segue a manter a Vigo entre as cidades menos endebedadas de España.
venres, 13 xuñ 2014
Vintetrés dos vintesete concelleiros da Corporación validaron hoxe os "orzamentos máis sociais e de creación de emprego da historia". Así o explicou o rexedor durante unha rolda de prensa posterior a sesión plenaria e na que se amosou "moi satisfaeito" porque Vigo conta co orzamento máis social de toda España.
luns, 2 xuñ 2014
O Pleno da Corporación debatiu e aprobou este luns unha moción presentada polo BNG sobre o aeroporto de Vigo, que foi validada grazas ás abstencións de socialistas e populares. O texto esixe a execución dos investimentos previstos en Peinador e solicita da Xunta o mesmo trato para as tres terminais galegas.
luns, 2 xuñ 2014
A moción presentada polos socialistas no Pleno deste luns, aprobada por unanimidade, reclama da Xunta de Galicia e do Ministerio de Medio Ambiente, Rural e Mariño "que aporten polo menos a mesma cantidade que o Concello de Vigo" a Conxemar. O goberno de Vigo achega 100.000 euros á primeira feira de conxelados do mundo, o dobre do aportado polos gobernos autonómico e estatal.