luns, 29 set 2003
O pleno aprobou un convenio de colaboración entre o Concello de Vigo e a Consellería de Medio Ambiente para a instalación de colectores soterrados nos puntos que o Concello estableza por un importe de 966.000 € e unha vixencia ata que se rematen as obras e en todo caso ata o 31 de decembro de 2003, se ben poderá prorrogarse por mutuo acordo de ámbalas dúas partes. O obxectivo desta iniciativa é o de facilitar ós veciños e recollida selectiva e a posterior reciclaxe dos residuos.<br />
luns, 29 set 2003
A Corporación Municipal acordou aprobar dúas mocións presentadas polo partido PP relativas á limpeza de terreos lindantes ás vivendas do Gorxal e sobre as medidas para evitar o deterioro do entorno da parroquia da Paz.
venres, 26 set 2003
O luns, día 29, a partir das 9 da mañá celebrase sesión ordinaria do Pleno da Corporación con 70 asuntos na orden do día.
xoves, 31 xul 2003
A Corporación Municipal reunirase nun pleno , en sesión extraordinaria e urxente, convocado para o venres 1 de agosto ás nove da mañá.
xoves, 24 xul 2003
A partir das nove da mañá os concelleiros da Corporación Municipal celebran un pleno de carácter ordinario no que debateran un total de nove asuntos que conforman a orde do día.
xoves, 24 xul 2003
Proposta da Voceira do grupo político municipal do PP referente ó fomento das políticas de integración laboral das persoas discapacitadas.
venres, 11 xul 2003
A nova Corporación municipal celebrou a primeira sesión convocada con carácter extraordinario na que se deu conta da constitución dos grupos municipais, dos nomeamentos dos tenentes de alcalde, membros da Comisión de Goberno e delegación de atribucións en concelleiros e representantes nos organismos autónomos municipais, no museo "Quiñones de León", na Mancomunidade e nos padroados de fundacións e entes privados.
mércores, 11 xuñ 2003
Hoxe, 11 de xuño, celebrouse un pleno extraordinario para aprobar as actas do 28 de abril e do 6 de xuño. Este pleno foi o último deste mandato e no mesmo o alcalde en funcións Lois Castrillo desexoulle sorte no futuro ós concelleiros e concelleiras que abandonan a actual corporación municipal.
venres, 6 xuñ 2003
A corporación en funcións aprobou definitivamente a modificación puntual do Plan especial de ordenación do Porto formulada pola Autoridade Portuaria de Vigo, por iniciativa do Consorcio da Zona Franca e do Concello de Vigo.
venres, 6 xuñ 2003
A corporación acordou promover o mellor funcionamento do servicio de limpeza de edificios catalogados, inmobles de valor aínda que non teñan tal consideración e todas as pezas do noso patrimonio. Ademais de establecer a vixilancia necesaria e unha disciplina de sancións que inclúa maior cantidade para as pintadas, pegada de carteis e outros danos nestes inmobles e outras pezas de interese, se disporá a elaboración dun protocolo para facer o seguimento axeitado de cómo evoluciona a situación deses elementos co propósito de limpar, reparar ou ordenar reparar e todo o que sexa necesario para o seu correcto mantemento.
