mércores, 16 feb 2011
A concelleira de Igualdade, Iolanda Veloso, anunciou hoxe que o vindeiro venres, 18 de febreiro, ábrese o prazo de inscrición para participar no programa "Tanto monta, monta tanto", que nesta edición oferta un total de 75 prazas. A concelleira nacionalista destacou que esta iniciativa ten por obxectivo fomentar a corresponsabilidade e superar as desigualdades que aínda existen no ámbito doméstico.
martes, 1 feb 2011
No Canal de Igualdade de Vigo pódese ver os tres videos premiados no certame de microvídeo "Non o ignores, non xustifiques, non escondas" que organizou o Consello Municipal da Muller e maila Concellería de Igualdade.
luns, 24 xan 2011
A Rede de Mulleres contra os Malos Tratos programa o pase da película "La teta asustada" de Claudia Llosa, o martes 25 de xaneiro, ás 18.00 horas no Centro de Documentación e Recursos Feministas de Vigo (Biblioteca Pública Central, 2º andar)
xoves, 25 nov 2010
O tenente de alcalde, Santi Domínguez, fixo hoxe un chamamento á sociedade para que "todos e todas poñamos o noso grao de area" e chegue un día no que non sexa preciso conmemorar días como o de hoxe, Día internacional contra a violencia de xénero. O nacionalista dixo que "non podemos ser cómplices" e por iso reivindicou que é preciso denunciar sempre cada maltrato ou agresión dun home a unha muller.
mércores, 24 nov 2010
A concelleira de Igualdade, Iolanda Veloso, trasladou os seus parabéns aos integrantes da Fundación IgualArte polos traballos artísticos contra a violencia de xénero que realizaron os alumnos e alumnas do centro. A concelleira nacionalista, durante a visita á exposición, destacou o traballo dos creadores e creadoras na realización das obras, que poden visitarse ata o día 29 na sala de exposicións da Biblioteca Pública Central, en horario de luns a venres de 9 a 20.30 horas e de 10 a 14 horas.
mércores, 17 nov 2010
A concelleira de Igualdade, Iolanda Veloso, presentou este mércores o XV Encontro Sindical da Muller, que se celebrará os vindeiros 18 e 19 de novembro no hotel Coia co lema "Saúde laboral, cuestión de xénero". A concelleira nacionalista salientou que estas xornadas, nas que a organización prevé a participación de arredor de cen mulleres, son xa un "referente" no traballo que realizan en Vigo as secretarías da Muller de CIG, UGT e CCOO.
mércores, 3 nov 2010
A concelleira de Igualdade, Iolanda Veloso, presentou este mércores o programa de actos que se desenvolverá ao longo do mes de novembro con motivo do Día Internacional contra a violencia de xénero, que comeza mañá ás 12 horas no mercado do Calvario. A edil do BNG destacou a ampla variedade de actividades, que inclúen accións escénicas, proxección de microvídeos e exposición de carteis presentados aos concursos organizados pola Concellería de Igualdade e o Consello Municipal da Muller, ciclos de cine, a manifestación contra a violencia de xénero o día 25, ás 20 horas dende a Praza de Urzáiz, e a lectura dunha declaración institucional do Concello de Vigo o 29 de novembro.
martes, 19 out 2010
A concelleira de Igualdade, Iolanda Veloso, presentou este martes unha nova edición das Xornadas de Mulleres Veciñais, organizadas en colaboración coa Federación Veciñal, e que terán lugar os días 28 e 29 de outubro, de 16 a 20 horas, no hotel Coia. Na presentación das Xornadas, que se desenvolverán baixo o título "Educación, familia e igualdade", tamén participaron a presidenta da Federación, María Pérez, e a vogal de Muller, Ana Pérez.
xoves, 16 set 2010
O Consello Municipal da Muller de Vigo na sesión celebrada esta semana acordou, segundo anunciou a concelleira da Igualdade, solicitar o ingreso de María Xosé Queizán Vilas na Real Academia Galega. Para a consecución deste acordo constituirase unha comisión no seo do consello que teña por finalidade reunir os numerosos méritos da escritora e apoiar a súa candidatura de ingreso na Real Academia Galega.
venres, 14 mai 2010
A concelleira de Igualdade, Iolanda Veloso, presentou este venres unha nova edición do convenio coa Rede de Mulleres Veciñais contra os Malos Tratos, que este ano pasou dos 15.000 aos 17.000 euros. Na presentación, na que tamén participou a coordinadora da Rede, Rosa Fontaíña, a concelleira nacionalista destacou a importancia de que o Concello de Vigo siga facendo esforzos no financiamento desta entidade, nomeadamente nestes momentos de crise económica.
