xoves, 31 mar 2011
A concelleira de Igualdade, Iolanda Veloso, presentou este xoves as actividades programadas pola Casa das Mulleres e o Centro de Recursos Feministas para os vindeiros dous meses, que inclúen xornadas, ciclos sobre saúde, cine, presentación de libros, exposicións e un obradoiro literario, entre outras propostas. "Con estas iniciativas preténdese chegar a toda a cidadanía, de diferentes idades e distintos intereses en dous espazos emblemáticos, e que permitan camiñar cara a unha sociedade máis xusta e igualitaria", destacou a concelleira nacionalista.
luns, 21 mar 2011
O vindeiro martes, 22 de marzo ás 19:00 h terá lugar a presentación do documental DIGNA RABIA no MARCO (rúa do Priíncipe, 54).O Consello Municipal da Muller e a concellería de Igualdade organizan este acto enmarcado nas actividades organizadas ao longo do mes de marzo co gallo da conmemoración do Día Internacional da Muller.
venres, 18 mar 2011
O Verbum-Casa das palabras acollerá os sábados 19 e 26 de marzo o ciclo de cine infantil promovido polo Consello Municipal da Muller e a concellería de Igualdade dentro das diversas actividades que se promoven no mes de marzo co gallo da conmemoración do Día Internacional da Muller.Así, o sábado 19 de marzo proxectarase a película "A estrela de Laura" e o sábado 26 de marzo "Mulan".
mércores, 16 mar 2011
O 17 de marzo ás 19:00 h. terá lugar a presentación do libro "22 documentos do feminismo galego" no Centro de Documentación e Recursos Feministas. Acto organizado pola Fundación Galiza Sempre en colaboración coa concellería de Igualdade. No acto contarase coa presenza de Xabier Macías, director da Fundación Galiza Sempre; Vitoria Iglesias, Marcha Mundial das Mulleres e Iolanda Veloso, Concelleira de Igualdade.
martes, 15 mar 2011
Durante os días 4 e 5 de abril a Casa das Mulleres acollerá as xornadas "Lingua, xénero e comunicación". Organizadas pola concellería de Igualdade estas xornadas enmárcanse nas actuacións do IV Plan integral de Igualdade de oportunidades de mulleres e homes do Concello de Vigo (2009-2012), aprobado pola corporación municipal en novembro de 2009, e teñen como obxectivo promover a utilización dunha linguaxe e imaxe non sexista, que visibilice e represente ao conxunto da cidadanía dun xeito igualitario e non sexista
martes, 15 mar 2011
"El niño pez" é o título da película de Lucía Puenzo que se poderá ver o mércores 16 de marzo ás 18.00 no centro de documentación feminista, na r/ Joaquín Yáñez, 6 - 2º . biblioteca pública do Casco Vello. A actividades forma parte do programa do 8 de marzo da Concellería de Igualdade.
venres, 11 mar 2011
O domingo 13 celebrarase na praza 8 de marzo varios actos conmemorativos do Día Internacional da Muller. De xeito ininterrompido de 11:30 a 20:30 horas desenvolverase unha completa programación que persegue a participación activa das persoas que asistan. O público poderá contribuír, coas súas mensaxes, á elaboración dun mural e colaborar na lectura de textos seleccionados relativos á situación da muller. Ademais, dende ás 12 horas haberá obradoiros infantís, que incluirán contacontos, xogos creativos e reparto de agasallos.<br />
<br />
luns, 7 mar 2011
A concelleira de Igualdade, Iolanda Veloso, presentou este luns as actividades que terán con motivo do Día Internacional da Muller, que comezarán mañá 8 de marzo coa celebración dunha sesión plenaria específica ás 10 horas e a manifestación organizada pola Marcha Mundial das Mulleres ás 20 horas. A concelleira nacionalista salientou a importancia de reivindicar os dereitos das mulleres "nunha época de crise tan complicada como a actual", tal e como pon de manifesto o lema da convocatoria deste ano "Dereitos das mulleres e revolucion creactiva".
martes, 1 mar 2011
" A muller ante a crise" é o título de charla que organiza a vogalía da muller da Federación Veciñal "Eduardo Chao" e que terá lugar este venres, 4 de marzo ás 20:00h no Centro Social Novacaixagalicia. Na charla intervirán: Carme Adán (BNG), Lucía Molares (PP) e Mª Xosé Caride (PSOE.<br />
luns, 28 feb 2011
A pesar do voto en contra do Partido Popular, o BNG acadou o respaldo do pleno para aprobar, cos votos de BNG e PSOE, a moción defendida pola concelleira de Igualdade, Iolanda Veloso, para instar á Deputación de Pontevedra a colaborar economicamente co funcionamento do Centro de Emerxencia para Mulleres Vítimas de Malos Tratos, tal e como lle ten reclamado a Xunta de Galiza en reiteradas ocasións. A nacionalista salientou que dos 300.000 euros que custa este servizo, que atende a mulleres de toda a provincia, o Concello de Vigo achega 266.000 euros.
