O alcalde coñeceu esta mañá o instrumental que adquiriu o Concello para que o persoal de desinfección e de bombeiros poidan actuar contra a avespa asiática sen riscos. Concretamente, adquiríronse dez traxes perfectamente dotados para que os profesionais continúen loitando contra unha praga que está a causar unha "verdadeira hecatombe medioambiental".
O rexedor participou este xoves pola mañá na presentación do autobús ambiental de Iberdrola e dun vehículo eléctrico cos que a empresa amosa o seu compromiso co transporte sostible e a súa política medioambiental e de xeración de enerxías limpas. Abel Caballero declarou que Iberdrola "ten no Concello de Vigo un cooperador necesario" neste labor de promoción das enerxías renovables, apuntando que para o goberno local esta é tamén unha prioridade; razón pola que, dende hai cinco anos, o coche do alcalde é un eléctrico.
O Plan Verde inclúe catro actuacións: no Parque de Enerxías Renovables de Navia, na Florida, no paseo do Lagares e na Senda da Auga, co obxectivo de poñer en valor os espazos naturais e verdes da cidade. O alcalde visitou este mércores as obras que se realizan para acondicionar para peóns e bicicletas un tramo de tres quilómetros da Senda da Auga; un itinerario que empregan moitas viguesas e vigueses.
A décimo sexta edición do Camiño a Camiño foi presentada este venres pola concelleira de Medio Ambiente, Chus Lago, que destacou a consolidación do programa como un referente en canto á sensibilización medioambiental e ao coñecemento da contorna entre a cidadanía. Amais apuntou o éxito do programa que medra en participantes tanto nas rutas, como nas hortas urbanas e no voluntariado. A inscrición para as distintas actividades abre o luns 21 e o martes 22.
O alcalde de Vigo presenciou este martes na praia de Samil un simulacro de rescate acuático efectuado polos servizos de salvamento e socorrismo do Concello, Xunta, Policía Local, Cruz Vermella e Protección Civil. Caballero subliñou a importancia da coordinación e informou da recente adquisición de catro táboas de rescate acuático para o dispositivo municipal de praias.
Caballero participou esta mañá no izado de bandeiras azúis na praia da Argazada. Durante o acto, lembrou que Vigo é a cidade española con máis recoñecementos xa que ás nove enseñas obtidas, súmase o Sendeiro azul do río Lagares.
O alcalde deu conta hoxe mércores do inicio esta semana do servizo de socorrismo e salvamento, que se mantén como en anos anteriores a pesares da crise económica. Este ano, como novidade, os arenais contarán de xeito permanente con seis diplomados en Enfermería.
O alcalde de Vigo asinou hoxe mércores o convenio do Cruz Vermella para a prestación da asistencia de primeiros auxilios e transporte sanitario en dez praias da cidade, do 15 de xuño ao 15 de setembro. O goberno local adica preto de medio millón de euros á atención da seguridade nas praias, unha prestación, que non sufriu ningún recorte nos últimos anos.
Abel Caballero informou este martes da redaccción, que pasou pola Xunta de Goberno Local, do Plan de Conservación do Complexo Duna e Areal do Vao de cara á aprobación definitiva deste Espazo Natural de Interese Local (ENIL). Este instrumento, explicou o alcalde, eleva o grao de protección do entorno dunar e areal, compatible co uso recreativo e náutico da praia.
O alcalde amosou hoxe xoves a súa satisfacción por ter conseguido todas as solicitadas na cidade e ser Vigo, con Cartaxena, a cidade española cun maior número de bandeiras azuis. Abel Caballero recordou que a cidade conserva tamén a distinción Sendeiro Azul no paseo do Lagares, co que os recoñecementos acadan a decena.