O alcalde criticou esta mañá o atraso de máis de 11 meses na emisión do informe vinculante solicitado á Consellería de Sanidade para avanzar no proxecto da nova potabilizadora na que está a traballar o Concello. Caballero acusou á Xunta de obstruír esta dotación supramunicipal para que Vigo se queden sen auga.
A Xunta segue sen convocar a reunión do Padroado que lle solicitaron tres membros do mesmo para facilitar a incorporación da Zona Franca. O rexedor criticou a actitude da Xunta de impedir a entrada dunha entidade que achegaría 5 millóns ao recinto feiral.
Abel Caballero asegurou esta mañá que a construción do túnel de Beiramar facilitará o tráfico de toda a cidade, beneficiando especialmente os accesos ao porto pesqueiro xa que permitirá conectar coa VG20 a través dunha rotonda baixo superficie. Na súa opinión, a Autoridade Portuaria oponse a esta infraestrutura por instrucións do presidente da Xunta, en contra dos intereses da cidade.
Abel Caballero recoñeceu esta mañá o compromiso do Goberno Central coas grandes proxectos pendentes en Vigo no transcurso dunha visita do secretario xeral de Infraestruturas, Sergio Vázquez. Entre outras cuestións, destacou o impulso ferroviario que está a vivir a cidade, co AVE directo a Madrid por Cerdedo ou a saída sur.
O alcalde valorou este xoves o galardón concedido, que ten como núcleo central a estación de Urzáiz deseñada por Thom Mayne, mais tamén distingue a transformación do entorno: a terminal de autobuses, os novos accesos en túnel, a Vía Verde, o ascensor desde García Barbón e a nova Praza da Estación. O galardón “volve colocar a Vigo nun lugar prominente no recoñecemento internacional”.
O Goberno local defendeu a necesidade de transformar a zona de Beiramar soterrando o viario e favorecendo a calidade arquitectónica dos proxectos da zona. Tal e como explicou a concelleira de Urbanismo, hai que xerar espazos de socialización compatibles co acceso e funcionalidade da Autoridade Portuaria.
No transcurso dunha visita aos traballos da futura terminal de autobuses, o alcalde valorou a transformación que está a experimentar o entorno de Urzáiz, coa estación do AVE deseñada por Thom Mayne, os accesos á autoestrada, a nova praza da estación e os ascensores ata Vía Norte.
Unha vez retirada a torre de iluminación de Tribuna-Marcador, a semana que vén comezará a desmontaxe da grada de Gol, para o que será preciso cortar ao tráfico a rúa Olímpicos o 14 e o 15 de abril. Prosegue así a reforma dunha grada cun importe total de 15,5 millóns achegados ao 50% por Concello e Deputación.
O rexedor visitou as obras do complexo situado en Urzáiz xunto á presidenta de Adif, Isabel Pardo de Vera, que se referiu á "visión estratéxica e transformadora" do Concello sobre esta obra que cambiará Vigo.
Abel Caballero participou este xoves na presentación do proxecto lanzado pola Zona Franca e a Universidade de Vigo ante o Goberno de España para intentar conseguir financiamento europeo. Cun orzamento de 50,4 millóns, a proposta xeraría 150 empregos directos de alto valor técnico e outros 700 indirectos.