Abel Caballero participou no cumio do proxecto ARTUS convocado polo Ministerio de Industria, Comercio e Turismo no Auditorio Mar de Vigo, no que participaron comunidades autónomas, concellos, Consorcios das Zonas Francas de Vigo e Barcelona, Deputación de Pontevedra, a DXT e as empresas interesadas en participar no proxecto liderado por Cellnex Telecom.
Abel Caballero cualificou de “disparate” que o presidente da Autoridade Portuaria aposte de xeito “irrenunciable” polo tren á terminal de Bouzas “que o que fai é romper a cidade”
O alcalde exixiu responsabilidades en rolda de prensa polo atraso da obra logo do compromiso da conselleira de Infraestruturas, Ethel Vázquez, de telo rematado a mediados de setembro e dispoñible para a Feira Conxemar.
O Concello iniciou de forma simultánea a construción do paso soterrado desde a rúa Lepanto e desde a autoestrada, pasando por debaixo da estación de Urzáiz. Este luns, Abel Caballero e Carmela Silva presenciaron a unión de ambas partes do túnel que dará saída á AP9 desde o centro da cidade.
Co obxectivo de fomentar o uso do transporte público, as lanzadeiras á Universidade e o bus turístico serán de balde o próximo 22 de setembro, coincidindo co Día Europeo sen Coches. O rexedor puxo en valor o premio que vén de recibir a cidade recoñecendo as ramplas da Gran Vía e o carril bici como experiencias exitosas dentro da Semana Europea da Mobilidade Sostible.
O Concello presentou alegacións ao borrador do anteproxecto de Lei de mellora do ciclo integral da auga que tramita a Xunta de Galicia, que, en opinión do alcalde, invade ámbitos da autonomía local ao impoñer novos canons e obrigas “que non nos corresponden”.
O goberno de Vigo aprobou este venres o proxecto de ampliación e modernización da Estación de Tratamento de Auga Potable situada na rúa Cantabria, que elevará de 900 a 2.200 litros por segundo o seu volume de tratamento. O gasto correrá a cargo da concesionaria, co que non afectará ao recibo dos vigueses, segundo destacou o alcalde.
A empresa redactora presentou ao Goberno de España, Xunta de Galicia e Concello de Vigo o estudo de alternativas para garantir o abastecemento na área viguesa a longo prazo. Para Vigo se avoga por incrementar a capacidade de condución desde o encoro e por construír unha captación de auga desde o Verdugo e o Oitavén para casos de emerxencia. “Cremos que é unha moi boa solución”, valorou Caballero.
O alcalde felicitou esta mañá aos responsables do Consello Galego de Enxeñeiros Técnicos Industriais que organizarán no mes de outubro en Vigo o V Congreso de Seguridade e Prevención 4.0. O Concello cooperará con unha iniciativa que se desenvolverá no Club Financeiro.
O goberno local renovará grande parte das luminarias da cidade por luces LED logo de adxudicar un contrato de 2,5 millóns de euros. O Concello segue así na senda de avanzar na eficiencia enerxética.