No marco da Conferencia de Presidentes, Abel Caballero expuxo a necesidade de que os sectores do naval e da automoción de Vigo conten cun PERTE “para cumprir as súas expectativas”.
Caballero mantivo unha xuntanza coa ministra de Transportes, Raquel Sánchez, na que confirmou o compromiso do Goberno de España coa saída sur ferroviaria, seguir co estudo hidroxeolóxico da variante por Cerdedo e a autovía en túnel entre Vigo e O Porriño.
O alcalde confirmou en rolda de prensa que concorrerá ás axudas enmarcadas no Plan de Recuperación, Transformación e Resiliencia. Abel Caballero, e a Ministra de Transportes, Movilidad e Axenda Urbana, Raquel Sánchez, presentaron en Vigo o Programa de Impulso á Rehabilitación de Edificios Públicos ( PIREP) para Entidades Locais. Caballero subliñou que os Gobernos Locais contan “con proxectos moi maduros, listos para ser executados, e con gran poder de transformación nas liñas que se expoñen desde o Goberno de España”.
Abel Caballero amosou este xoves o seu rexeitamento aos cambios promovidos pola Xunta de Galicia no Padroado do Recinto Feiral que van supoñer que o goberno autonómico teña nove representantes e os demais membros xuntos sumen soamente cinco.
Nun almorzo informativo no Círculo de Empresarios de Galicia, o alcalde pediu a unidade da cidade para defender as infraestruturas “fundamentais e imprescindíbeis” como a autovía en túnel entre Vigo e O Porriño, a liña de alta velocidade Vigo – Ourense por Cerdedo, a saída sur ferroviaria en alta velocidade e o apoio ao Aeroporto de Vigo. Caballero di “non pedir máis, só o mesmo que teñen o resto de cidades de Galicia e as grandes cidades de España”. Lamentou así a posición da Xunta de Galicia e o presidente Núñez Feijóo na súa negativa de ampliar a A-52 en túnel ata Vigo. No acto, Abel Caballero recibiu unha placa do Círculo de Empresarios co seu nomeamento como Socio de Honor “polo impulso a nosa institución durante o seu mandato como alcalde de Vigo”. Manifestando deste xeito “o seu recoñecemento e afecto”.
Abel Caballero acompañou este martes á nova presidenta de ADIF, María Luisa Domínguez, na primeira visita de traballo que realizou ao espazo de ADIF en Vialia, no interior do inmoble. Posteriormente participou no paseo polo exterior do edificio e do centro comercial para coñecer a nova configuración do espazo.
Abel Caballero asegurou que o presidente da Xunta debe desculparse ante a cidade e o Ministerio e rectificar a súa posición, trasladando o seu apoio explícito á construción da autovía en túnel entre Vigo e O Porriño. O alcalde recordou que Feijóo pediulle á ministra de Transportes “aforrarnos” o custo da nova vía.
“Non os escoito e quero escoitalos”, dixo este mércores Abel Caballero: “Quero saber que opinan de que o presidente da Xunta non queira que se constrúa unha autovía Vigo-Porriño en túnel pagada polo Goberno de España”. O rexedor anunciou o envío de escritos á federación de transportistas, á CEP, á Cámara de Comercio e ao Círculo de Empresarios.
Os grupos Socialista e Mixto votaron a favor de instar á Xunta á transferencia do Plan Estatal de Vivenda ao Concello “coa transferencia de fondos axeitada para tal fin – para evitar a que queden sen executar os fondos de vivenda para os colectivos máis vulnerables. Os socialistas piden á Xunta bonificar as peaxes na autoestrada que une Vigo e Baiona.
O alcalde expresou en rolda de prensa a sua satisfacción polo apoio da Comisión Europea á liña de alta velocidade ferroviaria Vigo-Porto, pero considera que o horizonte 2040 é “claramente excesivo” e pide seguir no diálogo con Europa “para acurtar os prazos”.