O alcalde avanzou esta mañá que Iberia e Air Europa reforzarán as súas conexións con Madrid neste mes de decembro. O aeroporto de Vigo contará con 42 frecuencias semanais de ida e volta, dúas máis que ata o de agora.
Abel Caballero criticou esta mañá os orzamentos autonómicos de 2021 para a cidade que, unha vez máis, non atenden as necesidades de Vigo. A cifra de investimentos é de 49,8 millóns, cando debería alcanzar os 273 millóns, en termos de poboación. En rolda de prensa, Caballero cifrou en máis de 2.000 millóns á débeda da Xunta nos últimos anos, unha cantidade á que a partir de agora hai que sumar 223 millóns máis.
Abel Caballero avanzou este xoves a aprobación en Xunta de Goberno Local do contrato para abrir o concurso de ideas destinado ao ascensor que comunicará a zona da Avenida de García Barbón co novo Centro Vialia. O Concello deulle así o visto e prace a unha partida de 555.000 euros para os premios e a redacción do proxecto, que terá un custe total de arredor de 6 millóns.
O alcalde esixe ao goberno autonómico que faga o instituto e lémbralle que se trata da zona de Galicia con maior poboación xove e que o Concello pon o terreo a disposición da Xunta. “Feijóo anunciou hoxe algo que vai tardar anos en facerse, pero cando leve gobernando 16 anos non terá feita ningunha vivenda en Navia”, sinalou.
Abel Caballero instou este venres á administración autonómica a aprobar a vindeira semana, no Consello da Xunta, a aprobación do proxecto de ampliación do recinto do Instituto Feiral de Vigo (Ifevi). O alcalde asegurou que o Concello ten todo disposto, con partida económica incluída, para completar a tramitación pendente.
Abel Caballero mantivo unha reunión co secretario xeral de Infraestruturas do Ministerio de Transportes, Sergio Vázquez, quen comunicou a previsión do Goberno de España de licitar a comezos do próximo ano o estudo de alternativas á saída sur ferroviaria, para conectar Vigo con Portugal en Alta Velocidade de pasaxeiros e mercadorías.
O paseo de Bouzas, dous tramos das ramplas de Gran Vía, a última fase da humanización de García Barbón, a Ronda de don Bosco ou a ampliación do Ifevi son as obras que a Xunta ten paralizadas en Vigo nestes momentos. Estes proxectos suporían unha inxección económica na cidade de case 16 millóns en obra pública.
Abel Caballero anunciou este martes que a segunda fase da Vía Verde, entre Vía Norte e Teis, terá un investimento de 2,9 millóns de euros. O alcalde visitou á zona e sinalou que está previsto que a obra estea rematada a finais de 2021.
O alcalde volveu a insistir esta mañá en que o gasto social non terá límite na cidade para atender as necesidades nestes momentos de crise sanitaria. Así o afirmou logo de avanzar que o Concello vén de outorgar 92 novas axudas por importe de case 12.000 euros.
Os Orzamentos Xerais do Estado para 2021 recollen as demandas da cidade respecto do AVE, ao incluír avances na variante de Cerdedo e na saída sur, cun estudo relativo á conexión Vigo-fronteira portuguesa en alta velocidade para pasaxeiros e mercadorías. Para Caballero, son unhas contas “enormemente satisfactorias” que, ademais, recuperan proxectos como a Biblioteca do Estado.