O alcalde visitou este venres a conexión -que quedou pendente pola evolución da obra das ramplas mecánicas da Gran Vía- coa que se conclúe a vía ciclista entre Teis e a Avenida de Europa, onde o Concello e a Deputación investiron máis de 5 millóns. Vigo tramita xa as expropiacións para prolongala ata Samil.
Abel Caballero amosou esta mañá a súa oposición ao trazado de ferrocarril a Bouzas que prantexa a Autoridade Portuaria nun estudo realizado en 2018. Deste xeito, o Concello súmase á negativa do Ministerio de Transportes porque a proposta “rompería dramaticamente” a cidade de Vigo.
Antes da sinatura dun convenio co seu presidente, e sobre a conexión ferroviaria, Abel Caballero defendeu este venres a conexión directa Vigo-Madrid, tanto no tren convencional como na Alta Velocidade. O alcalde manifestou que “non acepto que teñamos que viaxar por Santiago”, pois non aforra tempo, e culpou ao PP de parar cinco anos o AVE directo Vigo-Madrid.
Abel Caballero visitou este martes as obras do Centro Vialia, situado sobre a Estación do AVE de Urzaiz, e mostrou a súa satisfacción tanto pola marcha das obras como a importancia que terá na vida social e a economía da cidade. Así, o alcalde apuntou que “será un referente en Galicia e Portugal”.
Abel Caballero explicou esta mañá que a licitación do proxecto da praza da Estación de Urzáiz está só pendente dun informe de Patrimonio da Xunta Unha autorización que a unanimidade da Comisión Técnica de Seguimento do convenio -reunida onte - reclama nun prazo máximo de 5 días.
A colaboración público privada permitiu acometer as obras de conexión entre a rúa Barxa do Covelo con Gandarón, un proxecto de 390.000 euros dos que o Concello achegou 150.000 euros. O alcalde eloxiou esta cooperación e agradeceu a súa implicación á empresa Alvariño Inversións S.L..
Abel Caballero quixo trasladar o seu recoñecemento público ao goberno central, que este martes aproba en Consello de Ministros a addenda ao convenio entre ADIF, Xunta y Concello para executar os accesos á terminal de Urzáiz e mellorar o entorno da estación. O importe total supera os 21 millóns de euros.
As obras para instalar as vigas que conectará o Centro Vialia con Vía Norte obrigan ao Concello a reorganizar o tráfico na rúa durante o vindeiro mes. O tramo de Vía Norte entre Escultor Gregorio Fernández e Urzaiz queda cortado para permitir o paso das pezas e o resto convértese en dobre sentido.
Abel Caballero informou este venres de que a Xerencia de Urbanismo aprobará a vindeira semana o cambio de uso dotacional dunha parcela do Concello para que poida acoller o novo Parque de Bombeiros. Unha nave existente no ámbito de Esturáns será o destino das instalacións que actualmente están no Estadio Municipal de Balaídos.
O proxecto para humanizar as zonas intersticiais entre a Estación do AVE e os accesos viarios, o nó intermodal e a Praza da Estación foi aprobado este xoves na Xunta de Goberno do Concello de Vigo.