mércores, 16 dec 2020
Abel Caballero avanzou esta mañá que confía en que a Autoridade Portuaria “non cometa o inmenso erro” de aprobar o Plan de Espazos e Usos portuarios sen ter en conta a opinión da cidade. Con ese obxectivo, onte mesmo, o Concello enviou as súas alegacións ao documento entre as que destacou a total oposición do goberno local a calquera novo recheo na Ría ou a ampliación da proposta de cesión á cidade de espazos que levan anos destinados a usos non portuarios.
luns, 14 dec 2020
O Concello pretende unir Isaac Peral con Travesía de Vigo a través dunha rampla mecánica que sería financiada con fondos europeos. Esta actuación é unha das moitas incluídas no programa que está elaborando o Goberno local para participar no chamado Plan de recuperación para Europa.
xoves, 3 dec 2020
Abel Caballero valorou este xoves a reunión celebrada o día previo co ministro de Infraestruturas portugués, Pedro Nuno de Oliveira Santos, “moi importante e moi eficaz” na que o alcalde trasladou o apoio ao tren rápido entre Lisboa, Porto e Vigo, que deixaría á cidade olívica no “centro” do eixo atlántico.
xoves, 3 dec 2020
O alcalde está moi satisfeito coa posta en marcha do Xulgado do Social número 7 de Vigo, unha dotación reclamada na cidade desde 1975. En rolda de prensa, explicou que tiveron que vencerse varios intentos políticos de levarse esta unidade xudicial a outros territorios.
mércores, 2 dec 2020
O rexedor e o ministro portugués de Infraestruturas pasaron revista esta mañá á situación na que se atopan os proxectos de mobilidade que comparten os dous territorios. Entre outros asuntos, Caballero trasladoulle a Pedro Nuno de Oliveira que o Goberno de España está xa a elaborar o estudo funcional para a saída sur en túnel desde Vigo o que permitirá unir a cidade con Porto e Lisboa en alta velocidade.
martes, 1 dec 2020
O alcalde explicou este martes que O Concello de Vigo xa ten en marcha a notificación individual dos propietarios das fincas a expropiar para a ampliación do Instituto Feiral de Vigo (Ifevi). Ademais, destacou que o Goberno galego aínda non notificou oficialmente a aprobación da ampliación no Consello da Xunta.
venres, 27 nov 2020
O alcalde avanzou esta mañá que Iberia e Air Europa reforzarán as súas conexións con Madrid neste mes de decembro. O aeroporto de Vigo contará con 42 frecuencias semanais de ida e volta, dúas máis que ata o de agora.
martes, 24 nov 2020
Abel Caballero criticou esta mañá os orzamentos autonómicos de 2021 para a cidade que, unha vez máis, non atenden as necesidades de Vigo. A cifra de investimentos é de 49,8 millóns, cando debería alcanzar os 273 millóns, en termos de poboación. En rolda de prensa, Caballero cifrou en máis de 2.000 millóns á débeda da Xunta nos últimos anos, unha cantidade á que a partir de agora hai que sumar 223 millóns máis.
xoves, 19 nov 2020
Abel Caballero avanzou este xoves a aprobación en Xunta de Goberno Local do contrato para abrir o concurso de ideas destinado ao ascensor que comunicará a zona da Avenida de García Barbón co novo Centro Vialia. O Concello deulle así o visto e prace a unha partida de 555.000 euros para os premios e a redacción do proxecto, que terá un custe total de arredor de 6 millóns.
martes, 17 nov 2020
O alcalde esixe ao goberno autonómico que faga o instituto e lémbralle que se trata da zona de Galicia con maior poboación xove e que o Concello pon o terreo a disposición da Xunta. “Feijóo anunciou hoxe algo que vai tardar anos en facerse, pero cando leve gobernando 16 anos non terá feita ningunha vivenda en Navia”, sinalou.
