Abel Caballero explicou esta mañá que a licitación do proxecto da praza da Estación de Urzáiz está só pendente dun informe de Patrimonio da Xunta Unha autorización que a unanimidade da Comisión Técnica de Seguimento do convenio -reunida onte - reclama nun prazo máximo de 5 días.
A colaboración público privada permitiu acometer as obras de conexión entre a rúa Barxa do Covelo con Gandarón, un proxecto de 390.000 euros dos que o Concello achegou 150.000 euros. O alcalde eloxiou esta cooperación e agradeceu a súa implicación á empresa Alvariño Inversións S.L..
Abel Caballero quixo trasladar o seu recoñecemento público ao goberno central, que este martes aproba en Consello de Ministros a addenda ao convenio entre ADIF, Xunta y Concello para executar os accesos á terminal de Urzáiz e mellorar o entorno da estación. O importe total supera os 21 millóns de euros.
As obras para instalar as vigas que conectará o Centro Vialia con Vía Norte obrigan ao Concello a reorganizar o tráfico na rúa durante o vindeiro mes. O tramo de Vía Norte entre Escultor Gregorio Fernández e Urzaiz queda cortado para permitir o paso das pezas e o resto convértese en dobre sentido.
Abel Caballero informou este venres de que a Xerencia de Urbanismo aprobará a vindeira semana o cambio de uso dotacional dunha parcela do Concello para que poida acoller o novo Parque de Bombeiros. Unha nave existente no ámbito de Esturáns será o destino das instalacións que actualmente están no Estadio Municipal de Balaídos.
O proxecto para humanizar as zonas intersticiais entre a Estación do AVE e os accesos viarios, o nó intermodal e a Praza da Estación foi aprobado este xoves na Xunta de Goberno do Concello de Vigo.
O Concello pecha ao tráfico a Porta do Sol para poder acometer o túnel que permitirá converter a zona nunha gran praza peonil. Para facilitar a mobilidade urbana, foi preciso adaptar 17 liñas de autobús urbano.
O rexedor subliñou esta mañá o interese do Concello en que Vigo conte cunha sede do CGAC con 400 m2 para exposicións e 500.000 euros para mantemento que terían que ser achegados pola Xunta de Galicia. Con esta proposta, reclamou unha reunión inmediata do Consorcio do Casco Vello para tratar esta cuestión, así como do futuro dos locais que o organismo ten baleiros.
Abel Caballero acudiu este xoves á reunión da xunta directiva de Conxemar para informarlles da emisión do informe municipal sobre a ampliación do Instituto Feiral de Vigo (Ifevi). O alcalde insistiu na necesidade de que a Xunta licite coa maior prontitude as obras para que estean a tempo da vindeiro feira a celebrar en outono.
A Xunta de Goberno Local do Concello de Vigo aprobou este xoves o proxecto de reforma da grada de Marcador e a recolocación das butacas de Río Baixo. O alcalde informou en rolda de prensa de que a licitación da obra será en marzo e defendeu que “non hai ningún atraso” sobre as previsións.