O Concello renovará as butacas durante o verán para non causar molestias aos afeccionados durante esta temporada. Estes traballos serán incluídos dentro da licitación das obras de Marcador, que sairán a licitación "de xeito inmediato".
Asinada por José Luis Ábalos, o Ministerio remitiu a addenda ao convenio de humanización da Avenida de Madrid, por importe de 13,4 millóns dos que Fomento abonará case que nove, segundo informou este xoves Abel Caballero. O Concello agarda poder licitar a obra nuns dous meses, unha vez o Ministerio envíe o proxecto de trazado e conclúa o proxecto construtivo.
Abel Caballero mantivo este luns unha reunión cos responsables do recinto feiral e de Conxemar, de cara a elaborar un calendario que permita contar con máis superficie expositiva na feira do próximo ano. Conxemar elaborará o proxecto básico e o Concello farase cos terreos.
Os prazos para a obra da nova grada de Marcador e o cambio das butacas de Río Baixo para dispor de maior espazo serán algún dos temas a tratar na reunión entre o Concello de Vigo e a Federación de Peñas do Celta.
O alcalde de Vigo recibiu este luns aos responsables da iniciativa para por en marcha unha liña marítima de mercancía e pasaxe entre a cidade e Inglaterra e Irlanda. Caballero sinalou que o proxecto é "sólido" e ofreceu o apoio do Concello tras manter unha xuntanza con Javier Castro, de Incargo Galicia; Miguel Arcos, do Grupo Estela Shipping, e Amador Castro, director de desenvolvemento do proxecto.
A Xerencia de Urbanismo dará conta a próxima semana dun convenio de colaboración entre o Concello e a división inmobiliaria do grupo Auchan -adxudicataria da construción da nova estación do AVE – para financiar ao 50% o proxecto básico do ascensor - pasarela que unirá García con Vía Norte. Cun orzamento aproximado de 200.000 euros, a previsión é que o proxecto estea rematado a principios de 2020.
O alcalde de Vigo informou este luns de que o Ministerio de Cultura aceptou a proposta do Concello para construír a Biblioteca do Estado nunha parcela municipal da rúa Lalín. "É a única opción que existe, máis pronto que tarde teremos a nova infraestrutura", sinalou o rexedor.
Abel Caballero remite este venres a proposta ao presidente da Xunta, que pasaría por custear a partes iguais os non menos de 15 millóns que custará a nova bancada. O alcalde recordou que o goberno vasco dedicou dez millóns para a reforma de Anoeta e sete para Mendizorroza.
Abel Caballero, quen trasladou este xoves a idea á Federación de Peñas do Celta para que a valoren cos afeccionados, propón eliminar unha fila de cada cinco para reasignar as distancias e gañar comodidade. Se verían afectados entre 500 e 600 asentos. O rexedor tamén propuxo acordar a data de inicio da nova bancada de Marcador para minimizar as molestias.
O alcalde de Vigo, Abel Caballero, informou este martes de que enviará unha carta ao presidenta da Xunta, Alberto Núñez Feijóo, para reclamarlle unha achega autonómica na reforma da grada de Marcador, dentro do proxecto que leva a cargo o Concello e a Deputación no Estadio Municipal de Balaídos.