O alcalde de Vigo detallou esta mañá as deficiencias que presenta a estación de autobuses de Vigo, xestionada pola Xunta de Galicia. En rolda de prensa, instou á inmediata mellora dunhas instalacións “catastróficas” ao tempo que aclarou que aínda non está definido se esa dotación pública vai seguir funcionando como estación ou non
A Xunta de Goberno Local do Concello de Vigo deu este xoves o visto e prace á proposta de proxecto básico de rexeneración do paseo de Bouzas. A actuación aínda debe pasar pola aprobación do servizo de Costas e está previsto, segundo anunciou o alcalde, que sexa licitado no último trimestre de 2020. O investimento é de 1,28 millóns de euros e ten un prazo de execución de 11 meses.
O Concello de Vigo inaugurará o próximo venres 24 de xaneiro a biblioteca de Navia, situada en Teixugueiras e dotada con 200 postos de lectura. Cun orzamento de case medio millón de euros, estas instalacións veñen sumarse ás que o goberno local puxo en marcha en Martínez Garrido (Neira Vilas), á do Auditorio Mar de Vigo, á Casa do Patín (Bouzas) e á que está prevista no antigo ambulatorio de Teis.
Cun orzamento de 1,5 millóns e un prazo de execución de dez meses, Concello e Deputación humanizarán a Ronda de don Bosco. O proxecto converterá a zona en semipeonil, cunha limitación de velocidade de tráfico de 10 quilómetros/hora o que permitirá darlle hexemonía absoluta aos peóns.
O alcalde de Vigo valorou este luns o proxecto para construír un novo carril bici na fronte marítima da cidade pero lembrou que a administración autonómica aínda ten pendente levar a cabo o túnel ao longo da avenida de Beiramar. "Carril bici si, pero túnel tamén", sinalou.
Abel Caballero celebrou que "por fin" o goberno de Núñez Feijóo acceda a aplicar a lei 3/2016 para ampliar o recinto feiral, mais denunciou que a Xunta segue sen remitir o proxecto ao Concello, imprescindible para a exposición pública "e acortar tempos", pese a ter a petición desde "o día o dous de xaneiro".
"Nós respondemos de forma inmediata, avaliamos e solicitamos a aplicación da Lei 3/2016 para ampliar o Ifevi tal e como pide Conxemar". O alcalde lembrou que o Padroado do Instituto Feiral xa aprobou por unanimidade promover a ampliación do recinto.
As zonas intersticiais entre a Estación do AVE e os accesos viarios, o nó intermodal e a Praza da Estación serán humanizadas grazas á adenda ao convenio entre ADIF, Concello e Xunta que vai ser firmada nas vindeiras semanas. "Non quero espazos mortos e sucios", asegurou o alcalde.
O padroado do IFEVI acordara por unanimidade a ampliación do recinto feiral a través da "lei Vigo". Segundo denunciou este mércores Abel Caballero, a Xunta de Galicia aínda non contestou á solicitude formal enviada o 4 de xaneiro.
O alcalde recibiu luz verde a todas as cuestións que a cidade ten pendentes con Adif respecto das infraestruturas ferroviarias e do desenvolvemento do Plan Xeral. Tal e como confirmou Caballero, no encontro que mantivo onte con Isabel Pardo de Vera acordaron actuar de xeito coordinado para evitar anteriores desencontros urbanísticos que nalgúns casos terminaron nos tribunais.