mércores, 16 feb 2011
Abel Caballero asegurou hoxe mércores que tanto a nova estación de Urzáiz como a chegada a Vigo da Alta Velocidade contan cos orzamentos necesarios para levalos adiante. Recordou o alcalde que a plataforma ferroviaria xa está adxudicada e en setembro adxudicarase á sociedade público-privada para a construcción da estación de Thom Mayne. Ademais, avanzou Caballero que as tuneladoras chegan en xuño ao centro, no verán comezará a operar a estación provisional de Guixar e a finais de ano ou comezos do próximo licitaranse e adxudicaranse proxectos de obra da liña de AVE directa Vigo-Ourense-Madrid por Cerdedo.
mércores, 19 xan 2011
O alcalde amosouse este mércores satisfeito pola aprobación do trazado da nova autovía gratuita que unirá Vigo e Pontevedra, xa en exposición pública, que suporá un investimento de 427 millóns de euros financiados "na súa totalidade desde o ámbito público". Este investimento de Fomento únese á ratificación da ampliación da ponte de Rande, previsto o seu inicio para abril, co que o Ministerio que dirixe José Blanco inviste sobre 600 millóns de euros nestas dúas infraestruturas, o que "é de xustiza recoñecer", apuntou o alcalde.
mércores, 22 dec 2010
O alcalde valorou este mércores positivamente a licitación do Ministerio de Fomento da estación de Vialia en Urzáiz, 153 millóns de euros que completan as catro patas na futura terminal do AVE, cun investimento total de 238 millóns. Caballero confirmou que o ministro José Blanco e o arquitecto Thom Mayne -quen ultima o proxecto- presentarán en Vigo no mes de xaneiro "unha das grandes estacións ferroviarias de España"
venres, 10 dec 2010
Abel Caballero participou este venres na inauguración da xornada organizada polo Colexio de Enxeñeiros de Camiños, Canais e Portos de Galicia, que culmina a iniciativa en Vigo tras pasar por Santiago de Compostela e A Coruña en pasadas semanas. Responsables autonómicos e estatais participaron nun evento que pecha unha visita na tarde deste venres aos traballos de construción dos túneles de acceso do AVE a Vigo desde Redondela.
luns, 11 out 2010
O ministro de Fomento, José Blanco, presidiu este luns o acto de colocación da primeira pedra da nova terminal do aeroporto de Vigo, cun orzamento de 56,5 millóns de euros. Xunto ao novo aparcamento, os investimentos en Peinador superan os 100 millóns de euros. Abel Caballero subliñou que as infraestruturas anheladas pola cidade estanse a convertir xa en "realidades", mentres que o ministro asegurou estar "traballando para potenciar o dinamismo que desprende Vigo e a súa área metropolitana".
luns, 11 out 2010
Durante a súa presenza na cidade por mor do inicio dos traballos de construcción da nova terminal de Peinador, o ministro de Fomento datou para este ano a licitación da nova estación ferroviaria de Urzáiz e ratificou que a ampliación da ponte de Rande comezará na primavera de 2011. O alcalde, Abel Caballero, celebrou e agradeceu os compromisos de Fomento con Vigo porque "é complicado gobernar en tempos de crise".
xoves, 3 xuñ 2010
O edil Carlos L. Font reuniuse o mércores co comité organizador do evento para ter unha primeira toma de contacto. A convención médica celébrase este ano en Bilbao e despóis de Vigo pasará por Málaga. A cita move arredor de 2.000 persoas. Os membros do comité visitaron o Auditorio vigués e quedaron abraiados pola marcha dos traballos e a capacidade das instalacións.
venres, 11 set 2009
O alcalde Abel Caballero visitou esta mañá a rotonda de Peinador que ordenará o tráfico na zona e que estará operativa o próximo martes con motivo da inauguración da World Fishing Exhibition. O alcade lembrou que Peinador era o único aeroporto de España ó que se accedía e saía a través dun stop.<br />
martes, 29 abr 2008
A Consellería de Política Territorial, Obras Públicas e Transportes licita, coa súa publicación hoxe no Diario Oficial de Galicia (DOG) e no Boletín Oficial del Estado (BOE), a redacción do proxecto de trazado e impacto ambiental do novo vial que conectará a futura autovía Vigo-O Porriño, que impulsa o Ministerio de Fomento, co Segundo Cinto de Circunvalación. Esta nova infraestrutura terá características de autovía.
xoves, 3 abr 2008
O alcalde, Abel Caballero, e o presidente da Autoridade Porturaria de Vigo, Jesús Paz, salientaron este xoves a necesidade dun consenso cidadán arredor do futuro do Porto, despois do encontro de traballo que ambos mantiveron no Concello e no que Paz entregou ao alcalde o plan de ampliación das instalacións portuarias elaborado pola institución que preside.
