mércores, 2 nov 2011
O alcalde asegurou que o Ministerio de Fomento reactivará as tuneladoras e continuarán funcionando as 24 horas do días e os sete días da semana ata a finalización do traxecto. Caballero adiantou que "haberá molestias" por ruidos e vibracións pero a decisión de non paralas responde ao criterio técnico, para ter todas as "garantias de seguridade". Lebre e Miñoca completarán os 400 metros que restan en aproximadamente un mes desde a reactivación.
mércores, 26 out 2011
O alcalde vigués avanzou hoxe que xa encargou un estudo a unha empresa viguesa para que faga a valoración das circunstancias que avalan que Vigo estea no corredor europeo de alta velocidade así como porto nodal. "Imos liderar desde a alcaldía a acción global de convencer a Europa de que temos que estar ahí", indicou hoxe martes o rexedor durante a súa comparecencia cos medios.
xoves, 20 out 2011
Abel Caballero reclamou ao Ministerio de Fomento que esixa da Comisión Europea que Vigo figure na Rede Europea do AVE, igual que consta na Rede Española de Alta Velocidade. O borrador de mapa europeo de transporte non inclúe a conexión de pasaxeiros por Cerdedo e o alcalde instou a incluílo pola vía da subsanación de erros. Por outra banda, Caballero demanda que o Porto de Vigo sexa tamén considerado central na estratexia europea de mercancías.
xoves, 17 feb 2011
Abel Caballero valorou de "moi boa nova" a contratación da redacción dos proxectos da conexión de Alta Velocidade por Cerdedo, despois de que o BOE publique este xoves os contratos dos dous últimos tramos, como xa anunciara o ministro José Blanco en Vigo dúas xornadas atrás. Unha vez finalice a redacción, o Ministerio de Fomento estará en disposición de licitar conxuntamente proxecto e obra do AVE directo con Ourense e Madrid.
mércores, 16 feb 2011
Abel Caballero asegurou hoxe mércores que tanto a nova estación de Urzáiz como a chegada a Vigo da Alta Velocidade contan cos orzamentos necesarios para levalos adiante. Recordou o alcalde que a plataforma ferroviaria xa está adxudicada e en setembro adxudicarase á sociedade público-privada para a construcción da estación de Thom Mayne. Ademais, avanzou Caballero que as tuneladoras chegan en xuño ao centro, no verán comezará a operar a estación provisional de Guixar e a finais de ano ou comezos do próximo licitaranse e adxudicaranse proxectos de obra da liña de AVE directa Vigo-Ourense-Madrid por Cerdedo.
mércores, 19 xan 2011
O alcalde amosouse este mércores satisfeito pola aprobación do trazado da nova autovía gratuita que unirá Vigo e Pontevedra, xa en exposición pública, que suporá un investimento de 427 millóns de euros financiados "na súa totalidade desde o ámbito público". Este investimento de Fomento únese á ratificación da ampliación da ponte de Rande, previsto o seu inicio para abril, co que o Ministerio que dirixe José Blanco inviste sobre 600 millóns de euros nestas dúas infraestruturas, o que "é de xustiza recoñecer", apuntou o alcalde.
mércores, 22 dec 2010
O alcalde valorou este mércores positivamente a licitación do Ministerio de Fomento da estación de Vialia en Urzáiz, 153 millóns de euros que completan as catro patas na futura terminal do AVE, cun investimento total de 238 millóns. Caballero confirmou que o ministro José Blanco e o arquitecto Thom Mayne -quen ultima o proxecto- presentarán en Vigo no mes de xaneiro "unha das grandes estacións ferroviarias de España"
venres, 10 dec 2010
Abel Caballero participou este venres na inauguración da xornada organizada polo Colexio de Enxeñeiros de Camiños, Canais e Portos de Galicia, que culmina a iniciativa en Vigo tras pasar por Santiago de Compostela e A Coruña en pasadas semanas. Responsables autonómicos e estatais participaron nun evento que pecha unha visita na tarde deste venres aos traballos de construción dos túneles de acceso do AVE a Vigo desde Redondela.
luns, 11 out 2010
O ministro de Fomento, José Blanco, presidiu este luns o acto de colocación da primeira pedra da nova terminal do aeroporto de Vigo, cun orzamento de 56,5 millóns de euros. Xunto ao novo aparcamento, os investimentos en Peinador superan os 100 millóns de euros. Abel Caballero subliñou que as infraestruturas anheladas pola cidade estanse a convertir xa en "realidades", mentres que o ministro asegurou estar "traballando para potenciar o dinamismo que desprende Vigo e a súa área metropolitana".
luns, 11 out 2010
Durante a súa presenza na cidade por mor do inicio dos traballos de construcción da nova terminal de Peinador, o ministro de Fomento datou para este ano a licitación da nova estación ferroviaria de Urzáiz e ratificou que a ampliación da ponte de Rande comezará na primavera de 2011. O alcalde, Abel Caballero, celebrou e agradeceu os compromisos de Fomento con Vigo porque "é complicado gobernar en tempos de crise".
