Segundo explicou este luns o alcalde, o Ministerio de Fomento xa remitiu o borrador do proxecto da obra á Consellería de Infraestruturas, polo que reclama que se inicien os traballos e se doten de orzamento.
O rexedor reiterou esta mañá que "non imos deixar que nos furten" a conexión directa con Madrid a través da alta velocidade, como reclama Vigo e todo o sur de Galicia. En rolda de prensa, animou a toda a cidade a achegarse ao concerto reivindicativo que ofrecerá a Coral Casablanca o mércores 14 de xuño na Porta do Sol para que "Vigo non sexa a única gran cidade española sen AVE".
O Consello de Administración de ADIF aprobará o 29 de marzo a adxudicación do Centro Vialia, logo do acordo acadado na reunión mantida este xoves entre o xestor ferroviario, o Concello e a Xunta de Galicia que dá luz verde á estación de Thom Mayne, ao complexo comercial e á nova estación de autobuses da cidade.
O rexedor reclamou esta mañá á Xunta de Galicia a que "deixe de poñer obstáculos ao acordo acadado" sobre os accesos e o deseño do tráfico no contorno das estacións do AVE e de autobuses. En rolda de prensa deu conta do concerto que xa existe entre Adif, Concello e a eventual adxudicataria, Immochan, e instou ao goberno autonómico a sumarse a esta posición na reunión prevista o próximo 22 de marzo.
Abel Caballero apuntou que o proxecto do Centro Vialia "camiña extraordinariamente ben" coa previsión de que ADIF poida adxudicalo a finais deste mes e, sobre a ampliación do IFEVI, dixo que o Concello traballa "o máis rápido posible" para que estea lista no vindeiro Conxemar.
O alcalde anunciou este xoves a súa participación, xunto á concelleira de Urbanismo, na reunión do próximo luns, 6 de marzo, na sede de ADIF en Madrid para dar "o visto bo definitivo desde o ámbito técnico" á estación de Urzáiz. Caballero garantiu "toda a nosa cooperación" para levala adiante.
Caballero desvelou este mércores unha carta remitida polo presidente da entidade, Juan Bravo, na que lle informa de que a adxudicación do proxecto Vialia da estación de Urzáiz irá ao próximo Consello de Administración de ADIF, a finais de marzo. "Estamos encantados", manifestou o alcalde: "é unha demanda histórica".<br />
Abel Caballero reuniuse este martes con representantes dos colexios profesionais de economistas, arquitectos e arquitectos técnicos a quen lles transmitiu a súa "enorme preocupación" porque o Goberno non contempla a chegada do AVE á cidade, o que considera unha "ameaza" porque é un "tema central" para Vigo.
O rexedor confirmou esta mañá a súa intención de convocar o Consello Social para esixir á Xunta e ao Ministerio de Fomento o AVE Vigo-Madrid directo por Cerdedo. Caballero criticou ao presidente galego e o ministro de Fomento porque obviaron esta variante do tren de alta velocidade, limitándose a asegurar que a declaración de impacto ambiental está en tramitación.
O alcalde reuniuse este mércores con membros da Asociación Provincial de Empresarios da Construción de Pontevedra que lle manifestaron a súa "total oposición" a calquera intento de frear a chegada da alta velocidade a Vigo.