Escoitar

O alcalde recibe a "vontade absoluta" de Fomento de construir a estación do AVE de Mayne e a conexión directa con Madrid

Abel Caballero revelou este martes unha conversa mantida coa ministra de Fomento, Ana Pastor, na que transmitiulle ao alcalde a "vontade absoluta" do Goberno de España de continuar co proxecto do prestixioso arquitecto Thom Mayne para a nova estación de Urzáiz, así como para construir a conexión da Alta Velocidade directa con Madrid, a través de Cerdedo. Caballero amosouse "encantado" polos compromisos adquiridos nos "dous proxectos centrais ferroviarios de Vigo".

martes, 14 feb 2012
1329223811caballero.JPG
Segundo indicou Caballero, Pastor continuará co deseño de Mayne para a estación de Vigo polo "excepcional do proxecto" e pola "importancia" que terá para Vigo como "lugar neurálxico" para o futuro desenvolvemento da cidade. Fomento está a conversar coas dúas empresas que optaron á construcción do proxecto e baralla outras opcións.

O alcalde amosou a súa "satisfacción" por recibir directamente da ministra de Fomento os seus plans favorables aos "dous proxectos centrais ferroviarios de Vigo", tanto a nova estación de Urzáiz como a conexión viguesa con Madrid directa por Cerdedo, que segue adiante.

Caballero recoñecéulle á titular da carteira de Fomento que as obras no aeroporto de Vigo van a "bo ritmo" e valorou a "conversa satisfactoria" mantida onte con Pastor.
Descargar todas as imaxes