O goberno local ven de aprobar un investimento de 70.200 euros para a posta en marcha e o mantemento do observatorio socioeconómico de Vigo, unha ferramenta con información actualizada sobre o territorio, a demografía, a cultura ou a mobilidade da cidade. O obxectivo é que sirva de apoio para empresas ou emprendedores.
O alcalde deu conta do avance do proceso administrativo que permitirá contratar a trece mulleres vítimas de violencia de xénero para desenvolver durante un ano labores administrativas e de conserxería en dependencias municipais. Este programa de inserción laboral está dotado con 178.000 euros.
Abel Caballero ratificou esta mañá a cooperación do Concello coa Asociación de Jóvenes Empresarios para a organización duns premios en Vigo. Así o asegurou logo de manter un encontro con responsables da entidade coa que o goberno local mantén unha relación "moi fluída porque creemos que o mundo da economía e, sobre todo, dos pequenos e novos empresarios é da maior importancia".
Informou Abel Caballero este xoves que a goberno de Vigo aprobou o convenio con Érguete para impulsar de novo o programa, esta vez por dous anos, contratando 47 profesionais con presenza no Calvario, Teis, Casco Vello, Travesas e Bouzas-Coia.<br />
O alcalde recibiu este xoves aos representantes dos sindicatos convocantes da folga de Xustiza en Vigo. Tras coñecer as reivindicacións dos traballadores, Caballero reclamou á Xunta de Galicia que se sente a negociar e "non se levante da mesa" ata acadar un acordo.
O alcalde recibiu este luns aos organizadores do XXVII Salón do Automóbil. Abel Caballero coñeceu as últimas novas do evento que vaise a celebrar do 11 ao 15 de abril no Instituto Ferial de Vigo (Ifevi) e felicitou a José Manuel Fernández Alvariño e a José Enrique Elvira, responsables do salón automobilístico, por manter o evento durante os peores anos da crise. <br />
O próximo venres 23 de febreiro abrirá as súas portas na Terminal de Cruceiros o Salón FranquiAtlántico que nesta décimo oitava edición reunirá a 200 firmas. Un ano máis, o Concello de Vigo apoia esta cita empresarial que trata de fomentar o autoemprego.
O alcalde recibiu este luns aos responsables da firma Somos Océano para coñecer os detalles da feira de grupos de xente xove a organizar na cidade en vindeiras datas. Caballero ofreceu o apoio municipal aos emprendedores despois de que propuxeran Vigo como sede da feira na que venderán e promoverán os seus produtos.
A Xunta de Goberno Local dará este xoves o visto bo aos plans de obras e servizos sociais para presentar á convocatoria de achegas e subvencións destinadas á contratación temporal. O alcalde destacou a iniciativa municipal como unha acción de "gran envergadura" que supón un investimento de preto de 1 millón de euros.
A Xunta de Goberno Local aprobou este martes a clasificación de ofertas -antiga adxudicación provisional- para a contratación dos servizos de formación do programa "Vigo polo emprego da mocidade", informou Abel Caballero. O Concello impartirá cursos de creación e xestión de microempresas, páxinas web e hostelería, entre outros.