O alcalde de Vigo, Abel Caballero, firmou este martes o convenio de colaboración coa Unión Xeral de Traballadores (UXT) para colaborar con 15.000 euros no financiamento de actividades y desenvolvemento do sindicato. Á firma do convenio asistiron o secretario xeral de UXT en Vigo, Ernesto Fontanes, e o secretario de Organización de UXT en Galicia, José Luis Fernández Celis, ademais do concelleiro Ángel Rivas.
O goberno de Vigo, segundo informou este xoves o alcalde, anunciou a aprobación en Xunta de Goberno das solicitudes presentadas á convocatoria de subvencións para o fomento de emprego en entidades sen ánimo de lucro 2018. Abel Caballero informou de que as achegas rondan o millón de euros e servirán para crear un total de 200 postos de traballo a través de 72 asociacións.
Caballero cualificou esta mañá Koopera Store Vigo como "un punto de encontro excepcional entre persoas para o benestar colectivo". Durante a inauguración desta tenda -situada na rúa peonil do Calvario-, eloxiou unha iniciativa impulsada por Cáritas que prevé a creación de emprego social sostible a través de establecementos de roupa de segunda man.
Abel Caballero participou este mércores na entrega dos VIII Premios Ejecutivos Galicia que organiza o Círculo de Empresarios de Galicia e que nesta ocasión entregou o galardón de executivo do ano a Ignacio González Hernández, CEO de Nueva Pescanova . O alcalde destacou a "capacidade, excelencia e dedicación" do empresariado que "xera riqueza na cidade e en todo o territorio". Tamén indicou que "Vigo é a cidade da economía e ser empresario en Vigo sempre foi un atributo extraordinario".
O Concello de Vigo puxo en marcha o Programa de Inserción Laboral de Mulleres Vítimas de Violencia de Xénero grazas ao que un total de 15 viguesas iniciaron o periodo de formación previo a súa incorporación ao posto de auxiliar de administración xeral e de ordenanza.
O alcalde de Vigo achegouse esta mañá ao Centro de Negocios Porto do Molle para participar na entrega de premios organizada pola revista Actualidad Económica. No acto recoñeceuse, entre outros, a Francisco Puga, presidente de Delta Vigo e a Roberto Tojeiro, presidente de Gadisa, Intasa e Reganosa.
A V Conferencia Internacional ARVI sobre o futuro da pesca abordou os beneficios do consumo de peixe e avogou pola implantación da educación nutricional como materia obrigatoria. Durante a súa intervención no acto de apertura, Caballero puxo en valor o traballo realizado en Vigo en favor da sustentabilidade da pesca.
Abel Caballero referiuse esta mañá ao "gastromercado" de O Berbés como un punto de encontro "imprescindible" no Casco Vello, un proxecto que mistura tradición e proximidade coa ilusión da xente e vaticinou que "nada vai ensombrecer este éxito". Durante a inauguración, reiterou o apoio do goberno local ao conxunto do marcado no que o Concello investiu 2,5 millóns na remodelación das instalacións.
O alcalde de Vigo, Abel Caballero, acudiu este venres á clausura da Escola de Hostelería Harina Blanca, onde entregou os diplomas de cociñeiro profesional aos alumnos e animou a seguir traballando nun sector que "está en alza".
Abel Caballero visitou este luns no Centro Cultural de Valadares aos 20 alumnos que comenzarán as súas clases de formación grazas ao obradoiro de empresa Vigo Capacita IV. O obxectivo é que os 20 traballadores consigan un nivel de capacitación laboral que os converta en competitivos dentro do actual mercado do sector da hostalería.