O alcalde mantivo esta mañá un encontro cos responsables do Congres Nacional de Biotecnoloxía que se organizará en Vigo o próximo mes de xuño. Ao redor de 22 especialistas participarán neste evento, auspiciado pola Sociedade Española de Biotecnoloxía e organizado polo grupo de Bioenxeñaría e Procesos Sostibles da Universidade de Vigo. A cita será entre o 10 e o 13 de xuño en Afundación.
O alcalde avanza que, a través dos fondos recibidos do Pacto de Estado contra a violencia de xénero van contratarse 7 mulleres, que se suman ás 13 que se empregarán a través do programa municipal de violencia de xénero.
O Concello de Vigo coopera coa Fundación Telefónica na posta en marcha de cursos para programar Java que se impartiron nas aulas do Auditorio Mar de Vigo ao longo dos últimos tres meses. Durante a entrega de diplomas, o alcalde louvou esta iniciativa formativa pola súa alta empregabilidade e o valor engadido que achega.
As XIV Xornadas "Vigo ante o seu futuro" da Fundación Provigo analizan o papel dos viveiros e aceleradoras.
Abel Caballero asistiu este luns no Consorcio da Zona Franca en Bouzas ao acto de presentación do novo camión polivalente desenvolvido en Vigo e que pode eliminar un de cada cinco vehículos pesados das estradas europeas.
O alcalde de Vigo transmitiu esta mañá a súa solidariedade aos traballadores e traballadoras de call centers de Vodafone que están afectados polo terceiro ERE que aplica a compañía. Ante os medios de comunicación, reiterou a súa vontade de estar sempre cos traballadores e na defensa do emprego.
O alcalde de Vigo, Abel Caballero, guiou este luns á ministra de Industria, Comercio e Turismo, Reyes Maroto, no seu percorrido pola cidade. A titular da carteira ministerial coñeceu os encargos que realiza o Estalaeiro Armón para Nueva Pescanova e tamén visitou o Casco Vello da cidade. Máis tarde, o rexedor foi o encargado de presentar a conferencia que a titular de Industria ofreceu no Círculo de Empresarios de Galicia.
O alcalde avogou esta mañá porque as mulleres segan gañando visibilidade no sector da pesca, seguindo cunha "revolución" da igualdade que xa é imparable. Así o dixo na Cooperativa de Armadores durante a presentación de Redmar II, un programa que ten, entre outros obxectivos, mellorar a empregabilidade das mulleres tituladas en formación marítimo-pesqueira.
Abel Caballero visitou esta mañá o Centro de Iniciativas de Emprego onde 15 estudantes se están especializando na confección e publicación de páxinas web. Eloxiou a calidade formativa dun curso que capacitará ao alumnado para introducirse nun mercado laboral cada vez máis tecnolóxico.
O alcalde asistiu este martes á inauguración do espazo Ikea Deseña no Centro Comercial Gran Vía de Vigo onde lles deu a benvida á cidade e lles desexou éxito para seguir co seu asentamento na cidade.