Escoitar

Caballero apunta que Ikea Deseña "é o primeiro paso para a instalación dunha gran superficie en Vigo"

O alcalde asistiu este martes á inauguración do espazo Ikea Deseña no Centro Comercial Gran Vía de Vigo onde lles deu a benvida á cidade e lles desexou éxito para seguir co seu asentamento na cidade.

martes, 22 xan 2019
1548164722ikea.JPG
Durante o acto, Abel Caballero puxo en valor a "eficacia demostrada" da empresa sueca ao longo da súa traxectoria e sinalou que este espazo experimental é o "primeiro paso para a instalación definitiva dunha grande superficie en Vigo", cun mercado potencial de máis de medio millón de persoas que "precisa un asentamento propio de Ikea".

O rexedor engadiu que "sabemos que marchan nesa dirección e que, por tanto, este primeiro paso vai ratificalos na súa decisión de abrir unha grande superficie en Vigo". O espazo experimental "IKEA deseña Vigo" está en funcionamento desde hoxe e permite sumar creación, planificación e asesoramento no Centro Comercial Gran Vía de Vigo.
Descargar todas as imaxes