venres, 30 mai 2014
O alcalde de Vigo visitou este venres na Madroa aos xogadores da selección española Sub-19 de fútbol, que disputan na cidade olívica esta competición de combinados nacionais na que tamén participarán Alemaña, Lituania e Dinamarca. Caballero tamén trasladou a súa satisfacción polo encontro que disputarán en Balaídos as absolutas de España e Alemaña no mes de novembro.
xoves, 29 mai 2014
O alcalde de Vigo, Abel Caballero, presentou hoxe a decimoquinta edición do Campus Polideportivo VIDE, un evento que se celebrará nas instalacións municipais das Travesas do 23 ao 27 de xuño cunha oferta de 200 prazas para nenos e nenas de 8 a 14 anos. O prazo de inscripción arranca o luns, 2 de xuño no edificio do IMD.
mércores, 28 mai 2014
Célticos de Leyenda vs Estrellas del Fútbol Mundial medirá mañá no campo de O Vao a veteranos do Celta con xogadores internacionais nun partido de fútbol concebido para apoiar a candidatura das Illas Cíes como Patrimonio da Humanidade. Así o avanzou o rexedor, durante a prensentación do encontro que se celebrará mañá xoves no campo de O Vao, a partir das 20,45 h.
martes, 27 mai 2014
O concelleiro de Deportes, Manel Fernández, presentou este martes a oitava edición deste certame, que incrementa a súa participación cada ano tanto en deportistas como en clubs. A cita terá lugar este sábado na pista vermella das Travesas, con xogadores "de altísimo nivel" de Galicia e do resto de España.
xoves, 22 mai 2014
Abel Caballero quixo facer esta mañá un especial recoñecemento aos patrocinadores privados do Rally Internacional Rías Baixas "nestes tempos tan difíciles". Durante a presentación da 50 edición desta proba, tamén felicitou aos organizadores e fixo un especial chamamento á preservar á seguridade do público.
mércores, 21 mai 2014
O rexedor recibiu na mañá deste mércores aos organizadores da regata de remo Meira Tirán que celebrará o próximo mes de xuño a súa primeira edición desde Vigo, e que pretende ser unha reproducción en alto nivel da regata Cambridge–Oxford, segundo explicou Caballero.
martes, 20 mai 2014
O alcalde rubricou hoxe martes os convenios de colaboración por valor de 312.000 euros, un adianto dos 448.000 euros de subvención total que achega este ano o Concello ao Sárdoma CF, o AMFIV, o Xuvenil de Teis, o Olivo, o Bosco, o Octavio, o Vigo Volei e o Vigo Rugby. Ademais, Caballero cifrou en 950.000 euros o apoio ao deporte de base vigués.
martes, 20 mai 2014
O Concello de Vigo deu luz verde ao proxecto de construcción, xestión e explotación do novo complexo, que contará con 8 pistas de pádel, un campo de fútbol 7 ou unha pista polideportiva, entre outras zonas deportivas e de saúde.
xoves, 15 mai 2014
Este sábado, coa festa do patín, o evento da modalidade que reúne a máis deportistas en toda Galicia, comeza a clausura das escolas deportivas municipais, o programa estrela do deporte de formación que no curso 2013-2014 traballou con 4.000 nenos e nenas co apoio do Concello de Vigo.
mércores, 14 mai 2014
O alcalde e o presidente do Celta anunciaron hoxe mércores que a cidade olívica poderá disfrutar do xogo da Selección Española de Fútbol Sub 19, da man deste minitorneo que se celebrará en Vigo e Pontevedra entre o 31 de maio e o 5 de xuño. Para esta ocasión, o Concello manterá a grada popular que