luns, 25 ago 2014
En marcha a terceira edición da proba 10 km Praia de Samil, prevista para o 28 de setembro ás 11:00 horas e organizada pola A.D. Media Maratón de Vigo co patrocinio do Concello. Aberto o prazo de inscrición desta carreira, o alcalde da cidade, Abel Caballero, destacou que "esperamos chegar aos 1.200 atletas", é dicir, un incremento dun 20% respecto de a participación habida en 2012.
venres, 22 ago 2014
O alcalde recibiu este venres ao presidente, adestrador e algúns xogadores do Coruxo FC, da 2ªB, entidade que levará esta tempada 2014-2015 a imaxe institucional do Concello de Vigo no frontal das súas camisetas, como apoio da administración local ao club. Caballero desexoulle sorte ao club na consecución dos seus obxectivos, de cara á nova campaña futbolística que comeza.
venres, 22 ago 2014
En marcha unha nova edición do Campionato de Vigo de tenis, a número 73, que confirma o arraigo desta modalidade na cidade (foi dos primeiros deportes practicados en Vigo) e que o Concello patrocina un ano máis de forma decidida.
venres, 22 ago 2014
Sebastián Rodríguez, "Chano", foi recibido hoxe polo alcalde da cidade, Abel Caballero, e o concelleiro de Deportes, Manel Fernández, que o felicitaron polos seus éxitos nos Campionatos de Europa de natación celebrados este mes en Eindhoven.
xoves, 21 ago 2014
Caballero anunciou hoxe xoves que o goberno local inicia o reparto das entradas da grada Concello-Celta no estadio municipal de Balaídos a distintos colectivos (desempregados, escolares, voluntarios...), para o primeiro partido de Liga. Os parados poden conseguir a súa entrada desde mañá venres, a partires das 9h, na lonxa do Concello.
xoves, 21 ago 2014
A primeira edición deste certame terá lugar mañá venres no pavillón de Navia, un torneo que se disputará ás 20:30h a partido único entre o Santiago Futsal (de Primeira División) e un combinado de xogadores do Talleres ABC Vigo Fútbol Sala e do Escuelas Deportivas Vigo 2015.
xoves, 14 ago 2014
Segundo explicou Abel Caballero hoxe xoves, o goberno de Vigo aprobou as bases e convocatoria da subvención para renovar, por outra tempada, a chamada grada Concello-Celta, 1.600 entradas a partidos do Real Club Celta en Balaídos para escolares, discapacitados, persoas con dificultades económicas e voluntarios.
mércores, 13 ago 2014
Abel Caballero destacou hoxe mércores o éxito do Torneo Internacional de Tenis do Clube de Campo e garantiu o apoio do Concello de Vigo para a edición especial de 2015, cando se celebre o 75 aniversario dun evento tenístico polo que pasaron Rafa Nadal, Andy Murray, Alberto Berasategui ou Manolo Santana, entre outros.
luns, 11 ago 2014
O alcalde de Vigo participou este luns no acto de presentación da 51ª edición da Regata Martín Códax Rías Baixas, organizada polo Real Club Náutico e coa colaboración do Concello. A proba terá lugar do 13 ao 16 de agosto, con saída e final no porto vigués e unha participación que se aproxima ao centenar de embarcacións.
mércores, 6 ago 2014
O trail, unha competición atlética de montaña que está a gañar adeptos nos últimos anos de forma continuada, chega a Vigo o vindeiro día 23 co apoio do Concello.
